राज्य सरकारने एक मोठा निर्णय घेतला आहे. राज्यातील सार्वजनिक आरोग्य विभागाच्या सर्व रुग्णालयात मोफत उपचार मिळणार आहेत. आज पार पडलेल्या मंत्रिमंडळाच्या बैठकीत एकमताने याबाबतचा निर्णय घेण्यात आला आहे. राज्य सरकारने घेतलेल्या या निर्णयामुळे राज्यातील गरीब, गरजू रुग्णांना मोठा आधार मिळणार आहे. आरोग्यमंत्री डॉ. तानाजी सावंत याप्रकरणी पाठपुरावा करत होते. त्यांच्या पाठपुराव्याला मोठं यश आलं आहे.