Photo : X (Devendra Fadanvis)
महाराष्ट्र

राज्यातील ४०० शहरांचा चेहरामोहरा बदलणार, मुख्यमंत्री देवेंद्र फडणवीस यांची घोषणा

तुम्ही भाजपाला मत द्या नंतर पाच वर्ष शासन तुम्हाला साथ देईल, असे सांगत कुणावरही टीका न करता आम्हाला सकारात्मक मत हवे, असे आवाहन मुख्यमंत्री देवेंद्र फडणवीस यांनी आज भुसावळ येथे केले.

Swapnil S

जळगाव : शहरांच्या विकासाकडे दुर्लक्ष केल्याने शहरे ही भकास झाली. आता शहराच्या विकासाची व्यवस्था ही झालीच पाहिजे. यासाठी पंतप्रधान नरेंद्र मोदींनी अनेक योजना सुरू केल्या. महाराष्ट्रासाठी शहर विकासाचे आम्ही ब्लू प्रिंट तयार केले आहे. कारण शहरे ही बदलली पाहिजेत. यासाठी तुम्ही भाजपाला मत द्या नंतर पाच वर्ष शासन तुम्हाला साथ देईल, असे सांगत कुणावरही टीका न करता आम्हाला सकारात्मक मत हवे, असे आवाहन मुख्यमंत्री देवेंद्र फडणवीस यांनी आज भुसावळ येथे केले.

भाजपाच्या वतीने आयोजित जाहीर प्रचार सभेत ते बोलत होते. जळगाव जिल्ह्यातील नगराध्यक्ष व नगरसेवक प्रचारार्थ या सभेचे आयोजन केले होते.

मुख्यमंत्री फडणवीस म्हणाले की, राज्यातील ६.५ कोटी जनता ही ४०० शहरात राहाते. या शहरांचा चेहरा बदलला तर तेथील लोकांचे राहणीमान बदलू शकते. शहर विकासासाठी जागतिक बँकेकडून पैसे मिळणार आहेत. त्यातून पिण्याचे पाणी आणि सांडपाण्याची योजना राबवली जाईल, असे सांगितले.

भुसावळला टेक्सटाईल पार्क आणि दीपनगरला ८०० मेगावॉटचा प्रकल्प देण्याची मंत्री संजय सावकारे यांची मागणी त्यांनी मान्य केली. संजय सावकारे यांच्या पत्नी रजनी सावकारे या भुसावळमधून नगराध्यक्षपदासाठी निवडणूक लढवत आहेत. त्यावर टीका झाली असता मुख्यमंत्री म्हणाले की, पक्षाने सर्व्हे केला असता रजनी सावकारे यांच्या महिलांमधील कार्यामुळे त्या सर्व्हेत प्रथम क्रमांकावर आहेत. त्यामुळे पक्षाने त्यांना तिकीट दिले. संजूभाऊ तुम्ही टीकेकडे लक्ष देऊ नका. यावेळी बिनविरोध निवडून आलेल्यां उमेदवारांचे मुख्यमंत्री फडणवीस यांनी अभिनंदन करत जिल्हयात आम्ही महिलाराज आणत असल्याचे सांगितले.

रोहित पवार काकांच्या खांद्यावर बसून निवडून आले – महाजन

जलसंपदा मंत्री गिरीश महाजन म्हणाले की, साधना गिरीश महाजन या जामनेरमध्ये बिनविरोध नगराध्यक्ष म्हणून निवडून आल्याचे रोहित पवारांना वाईट वाटले. आम्ही सात वेळा चांगले कामे करीत असल्याने निवडून येत आहोत. राज्यात सर्वात चांगले आरोग्याचे काम आम्ही करत आहोत. त्यामुळे कामाच्या भरवशावर साधना महाजन निवडून आल्या रोहित पवार हे काकांच्या खांद्यावर बसून, पोस्टल बॅलेट पेपरवर निवडून आले आहेत. काकांचा आशीर्वाद आणि भरवसा यावर ते निवडून आल्याने रोहित पवार तुम्हाला बोलण्याचा, राजीनामा मागण्याचा अधिकार नसल्याचे महाजन यांनी सुनावले.

सलग नवव्या दिवशी सोन्याच्या दरात घसरण; सोने ५,२००, तर चांदी ४,००० रुपयांनी स्वस्त

मुंढवा जमीन व्यवहार प्रकरण : पार्थ पवार यांना दिलासा

प्रभादेवीत रेल्वेच्या कारवाईला स्थगिती; शिंदेंची केंद्रीय रेल्वे मंत्र्यांशी चर्चा; रहिवाशांचे पुनर्वसन करण्याचे निश्चित झाल्याची दिली माहिती

तडजोड करणारे पंतप्रधान जागतिक नेत्यांशी चर्चा कशी करणार? राहुल गांधींचे मोदींवर टीकास्त्र

गृहनिर्माण सोसायट्यांना दिलासा; ५० पेक्षा कमी सभासद संख्येच्या संस्थांची निवडणूक SGM मध्ये; महाराष्ट्र सहकारी संस्था नियमांत सुधारणा