पुणे : पिंपरी-चिंचवडमधील डांगे चौक परिसरातील सिग्नेचर पार्क सोसायटीमध्ये शुक्रवारी सायंकाळी घडलेल्या दुर्दैवी घटनेत ३३ वर्षीय महिला आणि तिच्या सहा वर्षांच्या मुलाचा मृत्यू झाला. एकता मनोज भांगड आणि माधव मनोज भांगड अशी मृतांची नावे आहेत.
घटनेची माहिती मिळताच वाकड पोलिसांनी घटनास्थळी धाव घेतली. पोलिसांना घटनास्थळी महिलेने लिहिलेली चिठ्ठी आढळली असून, त्यात तिने दीर्घकाळाच्या आजारपणामुळे मानसिक त्रास होत असल्याचा उल्लेख केल्याची माहिती वरिष्ठ पोलीस निरीक्षक विठ्ठल साळुंखे यांनी दिली.
भांगड कुटुंब मूळचे राजस्थानचे असून, गेल्या दोन वर्षांपासून ते डांगे चौकातील सिग्नेचर पार्क सोसायटीत वास्तव्यास होते. एकता गृहिणी होत्या, तर त्यांचे पती मनोज भांगड हे येरवडा येथील एका आयटी कंपनीत अभियंता म्हणून कार्यरत आहेत.
सीसीटीव्ही घटनेनंतर पोलिसांनी आणि फॉरेन्सिक पथकाने घटनास्थळाची पाहणी करून पंचनामा केला. सोसायटीतील फुटेजचीही तपासणी करण्यात आली आहे. या प्रकरणाचा सर्व बाजूंनी तपास सुरू असल्याचे पोलिसांनी सांगितले.