पनवेल : रायगडचे माजी खासदार, लोकनेते रामशेठ ठाकूर यांचा शरद प्रतिभाशाली सांस्कृतिक प्रतिष्ठान, महाराष्ट्रतर्फे प्रतिष्ठेचा ‘शरदरत्न जीवनगौरव पुरस्कार’ने सन्मान होणार आहे.
मुंबईतील रवींद्र नाट्यमंदिरात बुधवार, ७ ऑक्टोबर रोजी दुपारी १२ वाजता मुख्यमंत्री देवेंद्र फडणवीस आणि रयत शिक्षण संस्थेचे अध्यक्ष, माजी केंद्रीय मंत्री व विद्यमान खासदार शरद पवार यांच्या प्रमुख उपस्थितीत हा पुरस्कार वितरण सोहळा होणार आहे.
या सोहळ्यास संस्थेच्या आधारस्तंभ प्रतिभा पवार, माजी मुख्यमंत्री उद्धव ठाकरे, मनसे अध्यक्ष राज ठाकरे, माहिती व तंत्रज्ञान आणि सांस्कृतिक कार्य मंत्री ॲड. आशिष शेलार आदी मान्यवर उपस्थित राहणार आहेत.