मुंबईजवळील रायगडच्या समुद्रात एक संशयास्पद बोट आढळून आली आहे. या बोटीवर पाकिस्तानी नागरिक असल्याचे सांगण्यात येत आहे. नौकेचा शोध घेण्यासाठी भारतीय नौदल आणि तटरक्षक दलाकडून शोधमोहीम सुरू आहे. 26 नोव्हेंबर 2008 रोजी मुंबईवर दहशतवादी हल्ला झाला होता. हे दहशतवादी समुद्रमार्गे मुंबईत आले होते. तेव्हापासून मुंबई किनारपट्टीवरील संशयास्पद हालचालींवर लक्ष ठेवण्यासाठी जॉइंट ऑपरेशन सेंटर नावाची संस्था स्थापन करण्यात आली. रायगडच्या समुद्रात एक संशयास्पद बोट दिसली असून त्यावर दोन पाकिस्तानी नागरिक असल्याची माहिती या संस्थेकडून देण्यात आली आहे.

भारतीय नौदल, तटरक्षक दल आणि मुंबई पोलिसांना याबाबत माहिती देण्यात आली आहे. मुंबईच्या किनाऱ्याजवळील एका लाईट हाऊसजवळ ही बोट दिसली. त्यात दोन पाकिस्तानी नागरिक असल्याची माहिती मिळाली आहे. त्यानंतर सर्व संरक्षण संस्था सक्रिय झाल्या आहेत. सागरी पोलीस आणि नौदल या बोटीचा शोध घेत आहेत.