अहमदाबाद : चोटीला मातेच्या मंदिरातून दर्शन घेऊन परतत असलेल्या भाविकांच्या टेम्पोने रस्त्याकडेला उभ्या असलेल्या ट्रकला धडक दिल्याने झालेल्या अपघातात १० भाविकांचा मृत्यू झाला असून, १० जण जखमी झाले आहेत. मृतांमध्ये पाच महिला व ३ मुलांचा समावेश आहे. बावला-बगोदरा महामार्गावर शुक्रवारी सकाळी हा अपघात झाला.
टायर पंक्चर झाल्याने ट्रक महामार्गावर उभा होता. या ट्रकला प्रवाशांनी भरलेल्या टेम्पोने धडक दिली. या टेम्पोत ३ मुलांसह २० जण होते. चोटीला मातेच्या मंदिरातून दर्शन घेऊन हे भाविक परतत होते. या अपघातातील मृतांच्या कुटुंबीयांप्रती मुख्यमंत्री भूपेंद्र पटेल यांनी शोक व्यक्त केला आहे.