आमदार मंगल प्रभात लोढा यांच्याकडून स्मृतिदिनानिमित्त शिवसेनाप्रमुख बाळासाहेब ठाकरे यांना अभिवादन

मुंबई, १७ नोव्हेंबर : मलबार हिल मतदारसंघाचे आमदार आणि येत्या विधानसभा निवडणुकीसाठी सदर मतदारसंघासाठी महायुतीचे अधिकृत उमेदवार मंगल प्रभात लोढा यांच्याद्वारे आज 'एकता रॅली'चे आयोजन करण्यात आले होते. ऑगस्ट क्रांती मैदान ते ऑपेरा हाऊस असा या रॅलीचा मार्ग होता. आमदार मंगल प्रभात लोढा आपल्या कुटुंबासह या रॅलीमध्ये सहभागी झाले. यावेळी भारतीय जनता पक्षाचे कार्यकर्ते आणि स्थानिक नागरिक सुद्धा उपस्थित होते. देशाच्या प्रगतीसाठी सर्वांनी एकत्र यावे, हा या रॅलीच्या आयोजनामागचा उद्देश होता.

प्रसंगी प्रसारमाध्यमांशी बोलताना आमदार लोढा म्हणाले, "पंतप्रधान नरेंद्र मोदी यांनी देशाला एक हैं तो सेफ हैं असं सांगितलं आहे आणि त्याचे महत्व आपण सर्वच जाणतो. देशासाठी आपण सर्व एकत्र आलो, तर सुरक्षित राहून प्रगती करू देशविघातक घटकांना रोखू शकू."

त्याशिवाय आज हिंदूहृदयसम्राट शिवसेनाप्रमुख बाळासाहेब ठाकरे यांच्या छत्रपती शिवाजी महाराज पार्क येथील स्मृतिस्थळास भेट देऊन आमदार मंगल प्रभात लोढा यांनी अभिवादन केले. "हिंदूहृदयसम्राट शिवसेनाप्रमुख बाळासाहेब ठाकरे हे माझे आणि लाखो हिंदूंचे प्रेरणास्रोत आहेत. आजही त्यांच्या शिकवणीनुसारच समाजसेवेचे कार्य करत आहोत. त्यांना स्मृतिदिनानिमित्त आदरपूर्वक श्रद्धांजली अर्पण करतो!" असे यावेळी आमदार मंगल प्रभात लोढा यांनी सांगितले.