मुंबई

भाजपमध्ये यायचे असेल तर या मात्र सरकारमध्ये खोडा घालू नका,रावसाहेब दानवे यांचा उद्धव ठाकरेंना टोला

मुद्द्यावर रावसाहेब दानवे म्हणाले की, “उद्धव ठाकरेंना मागील घटनांबद्दल पश्चाताप झाला असेल तर आम्ही त्यांना घ्यायला तयार आहोत

प्रतिनिधी

“उद्धव ठाकरेंनी भाजपमध्ये यावे की नाही, हे म्हणण्यासाठी आम्ही आता त्यांच्या दारात जाणार नाही. त्यांना भाजपमध्ये यायचे असेल तर यावे; मात्र आताच्या सरकारमध्ये त्यांनी खोडा घालू नये,” असा टोला भाजपचे नेते आणि केंद्रीय मंत्री रावसाहेब दानवे यांनी शिवसेनेचे पक्षप्रमुख उद्धव ठाकरे यांना लगावला.

एकनाथ शिंदे यांच्या बंडखोरीनंतर भाजप-शिंदे गट यांचे सरकार सत्तेवर आले आहे. त्यानंतर शिंदे गटातील काही आमदार शिवसेनेला सोबत येण्यासाठी हाक देत आहेत. याच मुद्द्यावर रावसाहेब दानवे म्हणाले की, “उद्धव ठाकरेंना मागील घटनांबद्दल पश्चाताप झाला असेल तर आम्ही त्यांना घ्यायला तयार आहोत; पण आमच्यासोबत आल्यानंतर आताच्या सरकारमध्ये डिस्टर्ब करू नये. राजकारणामध्ये कुणीही कायमचा मित्र अथवा शत्रू नसतो. उद्धव ठाकरे २५ वर्षे आमच्यासोबत होते. आता ते काही दिवस काँग्रेस-राष्ट्रवादीसोबत आहेत; मात्र एकनाथ शिंदे हे आमचे नवे मित्र झाले आहेत. मैत्री दिनाच्या दिवशी शिंदे गटातून कुणी शुभेच्छा दिल्या असतील तर वेगळा अर्थ काढू नका.

केंद्रात २०१४पेक्षा जास्त मतांनी सध्याचे सरकार सत्तेवर आहे. ज्या दिवशी आम्ही निवडणूक जिंकतो, त्याच्या पुढच्याच दिवसापासून पुढील निवडणुकीची तयारी करत असतो. आता महाराष्ट्रात मिशन ४८ आम्ही हाती घेतले आहे. संपूर्ण ४८ जागा आम्ही जिंकणार आहोत,” असा दावाही दानवे यांनी केला.

FDA ची राज्यव्यापी कारवाई; १.९० कोटींचा साठा जप्त; मुंबईतील ६ पानटपऱ्यांवर कारवाई

Mumbai : सीएसएमटी रेल्वे स्थानकाला बॉम्बची धमकी; सुरक्षा यंत्रणा सतर्क, पोलिसांकडून धमकी देणाऱ्याचा शोध सुरू

Mumbai : छठपूजेनिमित्त बेस्टची विशेष बससेवा; जुहू बीचवर जाण्यासाठी २२ अतिरिक्त बस, जाणून घ्या मार्ग अन् वेळ

सोनाक्षी सिन्हाच्या मॉर्फ फोटोंप्रकरणी दिल्लीतील तरुणाला अटक; पण कोर्टाकडून आरोपीची सुटका, नेमकं कारण काय?

IndiGo Emergency Landing : गुवाहाटीला जाणाऱ्या इंडिगोच्या विमानात तांत्रिक बिघाड; पुण्यात आपत्कालीन लँडिंग, १९२ जण सुखरूप