मुंबई : डॉ. बाबासाहेब आंबेडकरांच्या फोटोची विटंबना केल्याप्रकरणी विविध पोलीस ठाण्यात गुन्हा दाखल झाल्याने वादाच्या भोवऱ्यात अडकलेल्या राष्ट्रवादी काँग्रेसचे आमदार जितेंद्र आव्हाड यांनी दाखल केलेल्या याचिकेची उच्च न्यायालयाने दखल घेतली.
न्यायमूर्ती रेवती मोहिते-डेरे आणि न्यायमूर्ती पृथ्वीराज चव्हाण यांच्या खंडपीठाने सरकारला नोटीस बजावत भूमिका स्पष्ट करण्याचे निर्देश न्यायलयाने दिले. शालेय अभ्यासक्रमात मनुस्मृतीचा समावेश केल्याच्या निशेर्धात पुकारण्यात आलेल्या आंदोलनात डॉ. बाबासाहेब आंबेडकरांच्या फोटोची विटंबना केल्याचा आरोप करून राष्ट्रवादी काँग्रेसचे आमदार जितेंद्र आव्हाड यांच्याविरोधात रायगडमधील महाड पोलीस ठाण्यात दोन, तर पुण्यातील बंडगार्डन पोलीस ठाण्यात एक असे तीन स्वतंत्र गुन्हे राष्ट्रवादी काँग्रेसचे आमदार जितेंद्र आव्हाडांविरोधात दाखल करण्यात आले आहे.