मुंबई : मुंबईची शान म्हणून बेस्टच्या ताफ्यातील डबलडेकर बसेसची ओळख. जुन्या डबलडेकर बसेसचा लाल रंग, मार्ग व रुट दर्शविणारे ब्लॅक अँड व्हाईट फलक, बस मध्ये मागून चढा अन् मागून उतरा अशी विविध वैशिष्ट्य असलेल्या एका डबलडेकर बसचे जतन करण्याचा निर्णय बेस्ट उपक्रमाने घेतल्याचे बेस्ट उपक्रमाचे महाव्यवस्थापक विजय सिंघल यांनी सांगितले.
बेस्ट उपक्रमाच्या डबल डेकर बसला ऐतिहासिक ओळख आहे. ८ डिसेंबर १९३७ साली पहिली दुमजली बस मुंबईकरांच्या सेवेत दाखल झाली होती. देशभरात केवळ मुंबईच्या रस्त्यांवरून डबल डेकर बसेस धावतात. या बसमधून एकदा तरी प्रवास करायचा अशी प्रत्येकाची खासकरून बच्चे कंपनीची इच्छा होती. मुंबईची शान म्हणून या बसला नेहमीच मुंबईकरांची गर्दी असते. १५ सप्टेंबर रोजी अंधेरी आगारातील ही बस, आगरकर चौक ते सिप्स या ४१५ क्रमांकाच्या मार्गावर शुक्रवारी रात्री साडे वाजता धावली, ती अखेरची अन् शेवटची फेरी होती.
मुंबईच्या रस्त्यांवर गेल्या ८६ वर्षांपासून दिमाखात वावरणारी तसेच प्रत्येक मुंबईकरांच्या आठवणींचा एक भाग असलेल्या जुन्या डबलडेकर बसचे जतन करण्यात यावे, अशी मागणी ब्रेस्ट प्रेमींनी लावून धरली होती. बेस्ट उपक्रम, मुख्यमंत्री, राज्य सरकार आदीकडे बेस्ट प्रेमींनी पाठपुरावा सुरू केला. अखेर बेस्ट उपक्रमाने जुन्या डबलडेकर बसचे जतन करण्याचा निर्णय घेतला हा स्वागतार्ह निर्णय आहे.
- शुभम पाडावे , बेस्ट प्रेमी