मुंबई

मुंबईतील मार्केटचा कायापालट दिवाळीनंतर बदल दिसणार - पालकमंत्री केसरकर

सुविधा उपलब्ध करण्यासाठी प्रशासनाला निर्देश देण्यात आले असल्याचे पालकमंत्री केसरकर यांनी सांगितले.

नवशक्ती Web Desk

मुंबई : अस्वच्छता, दूरवस्था अशी स्थिती आता मुंबईतील मार्केटमध्ये यापुढे दिसणार नाही. मुंबईतील मार्केटमध्ये अद्ययावत सोयीसुविधा उपलब्ध करण्यात येणार आहेत. त्यामुळे पुढील काही महिन्यांत मुंबईतील मार्केट नवीन लूकमध्ये दिसतील, असा विश्वास मुंबई शहराचे पालकमंत्री दीपक केसरकर यांनी व्यक्त केला. मुंबई महापालिका मुख्यालयातील वार्ताहर कक्षात आयोजित पत्रकार परिषदेत ते बोलत होते.

दादरचे फुलमार्केट, आगर बाजार, सिटीलाईट आदी मार्केट रोज गजबजलेली असतात. अशा मार्केटच्या ठिकाणी आवश्यक सुविधा नाहीत. शौचालयाची सुविधा नसल्याने अनेकांना गैरसोयीला सामोरे जावे लागते. मार्केट स्वच्छ व सुविधांयुक्त ठेवण्यासाठी पालिका प्रशासनाने निर्णय घेतला आहे. स्वच्छतेसाठी अत्याधुनिक मशिनरी, टॉयलेट व इतर सुविधा निर्माण करून मार्केटचा चेहरामोहरा बदलला जाणार आहे, असे पालकमंत्री केसरकर यांनी सांगितले. दादरचे फूलमार्केट, आगर बाजार आदी मार्केटना भेटी देऊन तेथील आढावा घेतल्याचे केसरकर म्हणाले. दिवाळीनंतर मार्केटमध्ये हळूहळू बदल दिसतील. विशेषत: अत्याधुनिक टॉयलेटची सुविधा उपलब्ध करण्यासाठी काही खासगी कंपन्यांशी बोलणी सुरू आहेत. त्यामुळे सुविधा उपलब्ध करण्यासाठी प्रशासनाला निर्देश देण्यात आले असल्याचे पालकमंत्री केसरकर यांनी सांगितले.

हाजीअली येथे अत्याधुनिक टॉयलेट

हाजीअलीसारख्या गजबजलेल्या ठिकाणी रोज हजारो पर्यटक येत असतात. अशी ठिकाणे पर्यटनस्थळे म्हणून नावारूपाला यावीत, यासाठी प्रशासनाने पावले उचलली आहेत. हाजीअली येथे अत्याधुनिक टॉयलेटची सुविधा उपलब्ध करण्यासाठी विचार सुरू असून लवकरच याबाबतची प्रक्रिया सुरू होणार असल्याचे केसरकर यांनी सांगितले.

मोठा अनर्थ टळला! Indigo विमान उड्डाणाच्या तयारीत असतानाच पायलटने धोका ओळखला; इमर्जन्सी ब्रेक दाबला अन् २२९ प्रवासी वाचले

आंध्र प्रदेशात ONGC च्या विहिरीतून मोठी गॅसगळती; १ किमी परिसरातील सर्व नागरिकांना सुरक्षितस्थळी हलवलं, Video

Pune : भररस्त्यात दुचाकीस्वारावर कोयत्याने हल्ला; पिंपरी-चिंचवडमधील धक्कादायक घटना CCTV मध्ये कैद

भारतात अश्लील अन् हिंसक कंटेंटला लगाम; मेटाकडून Instagram च्या रिकमेंडेशन सिस्टीममध्ये बदल

दिल्लीत पुन्हा इमारत कोसळली; चिमुकल्यासह दोघांचा मृत्यू, अनेक जण ढिगाऱ्याखाली अडकल्याची भीती, बचावकार्य सुरू