सियाचिन : सियाचिन ग्लेशियर येथे लष्कराच्या बंकरला आग लागली. त्यात एक अधिकारी शहीद झाला असून, तीन जवान जखमी झाले आहेत.
भारतीय लष्कराच्या अधिकाऱ्यांनी सांगितले की, सकाळी ३.३० वाजता ही घटना घडली. शॉर्टसर्किटमुळे आम्ही एका वैद्यकीय अधिकारी कॅप्टन अंशुमन सिंह यांना गमावले आहे, तर वाचवलेल्या तिघांवर चंदीगढ येथील रुग्णालयात उपचार सुरू आहेत.
ही दुर्घटना सालटोरो भागात घडली. येथे दारुगोळा असलेल्या बंकरमध्ये शॉर्टसर्किट झाल्याने आग लागली. त्यानंतर ती अनेक तंबूत पसरली. जखमी जवानांची ओळख अजूनही पटलेली नाही.