जागतिक आर्थिक मंदीच्या चिंतेने कच्च्या तेलाच्या किमतीत घसरण सुरूच आहे. आंतरराष्ट्रीय बाजारात कच्च्या तेलाचा दर गेल्या तीन महिन्यात प्रतिबॅरल १०० डॉलरच्या खाली पोहोचला आहे. इतर जागतिक चलनांच्या तुलनेत डॉलरची मजबूती, कोरोनाची वाढती प्रकरणे आणि जगभरातील घटती मागणी यामुळे कच्च्या तेलाच्या किमतीत घसरण झाली आहे. त्यामुळे यूएस तेल मानक वेस्ट टेक्सास इंटरमीडिएट (डब्ल्यूटीआय) क्रूड प्रति बॅरल ९६.०९ अमेरिकन डॉलर्सपर्यंत घसरले. एप्रिलच्या सुरुवातीला कच्च्या तेलाचे दर प्रति बॅरल १०० डॉलरच्या खाली होते. तसेच आंतरराष्ट्रीय तेल बाजारात ब्रेंट क्रूड जागतिक तेल बेंचमार्क ब्रेंट क्रूड १.९७ टक्के घसरुन प्रति बॅरलचा भाव ९७.६१ अमेरिकन डॉलर्सवर आले आहेत.

यापूर्वी, रशिया-युक्रेन युद्ध सुरू झाल्यानंतर पुरवठा खंडित झाल्यामुळे कच्च्या तेलाच्या आणि इतर वस्तूंच्या किमतीत मोठी वाढ झाली होती. यामुळे फेब्रुवारीच्या शेवटच्या आठवड्यात कच्च्या तेलाचा दर प्रति बॅरल ९० अमेरिकन डॉलरवरून वाढून ११५ डॉलर प्रति बॅरलपर्यंत पोहोचला. रॉयटर्सने आपल्या अहवालात म्हटले आहे की एका महिन्याच्या किरकोळ अस्थिरतेनंतर कच्च्या तेलाच्या किमतीत झालेली ही घसरण बाजारात असलेल्या चिंतेकडे लक्ष वेधत आहे. महागाई नियंत्रणात ठेवण्यासाठी मध्यवर्ती बँकांनी व्याजदर वाढवल्याने बाजारावरही परिणाम झाला आहे. अशा उपाययोजनांमुळे अर्थव्यवस्थेला गती मिळेल, पण येणाऱ्या मंदीचा कच्च्या तेलाच्या मागणीवर परिणाम होईल.

कच्च्या तेलाच्या किमती घसरल्यामुळे डिझेल, पेट्रोल आणि विमान इंधन (एटीएफ) रिफायनरींच्या रिफायनिंग (रिफायनिंग) मार्जिनमध्ये तीव्र घसरण लक्षात घेऊन विंडफॉल नफा कराचे पुनरावलोकन करणे आवश्यक आहे. ब्रोकरेज ग्रुप सीएलएसएने बुधवारी सांगितले की, कच्च्या तेलाच्या किमती जूनमध्ये आतापर्यंतच्या उच्चांकावर पोहोचल्या आहेत. परंतु, आता त्यांच्या नरमाईमुळे, गेल्या दोन आठवड्यांत डिझेल, पेट्रोल आणि एटीएफच्या शुद्धीकरणावरील मार्जिनमध्ये मोठी घट झाली आहे. अशा स्थितीत दोन आठवड्यांपूर्वी लागू केलेला विंडफॉल टॅक्स सुरू ठेवण्याची गरज काय, असा प्रश्न उपस्थित होत आहे.