नवी दिल्ली : ‘ईडी’चा सहाय्यक संचालक संदीप सिंह यादव याला २० लाख रुपयांची लाच घेतल्याच्या आरोपावरून सीबीआयने अटक केली. ईडीने नुकतीच सोन्याच्या व्यापाऱ्यांवर छापेमारी केली होती.
२५ लाख रुपये न दिल्यास मुलाला अटक करण्याची धमकी त्याने सोन्याच्या व्यापाऱ्याला दिली. वाटाघाटीनंतर २० लाख रुपये लाच देण्याचे ठरले. त्यानंतर सीबीआयने ‘ईडी’चा अधिकारी यादव याला रंगेहात पकडले. यादव याची सीबीआयकडून कसून चौकशी करण्यात येत आहे.