कर्नल सोफिया कुरेशी, संग्रहित छायाचित्र फोटो - एएनआय
राष्ट्रीय

कर्नल सोफियांबद्दल वादग्रस्त वक्तव्य, मंत्र्याविरोधात गुन्हा दाखल करा! मध्य प्रदेश हायकोर्टाचे आदेश

कर्नल सोफिया कुरेशी यांच्याबद्दल वादग्रस्त वक्तव्य करणारे मध्य प्रदेशचे कॅबिनेट मंत्री कुवर विजय शहा यांच्याविरोधात गुन्हा दाखल करा, असे आदेश मध्य प्रदेश हायकोर्टाने दिले आहेत.

Swapnil S

भोपाळ : कर्नल सोफिया कुरेशी यांच्याबद्दल वादग्रस्त वक्तव्य करणारे मध्य प्रदेशचे कॅबिनेट मंत्री कुवर विजय शहा यांच्याविरोधात गुन्हा दाखल करा, असे आदेश मध्य प्रदेश हायकोर्टाने दिले आहेत.

मध्य प्रदेश हायकोर्टाने स्वत:हून कुरेशी यांच्यावर केलेल्या विधानाची दखल घेतली व मंत्री शहा यांच्याविरोधात लवकरात लवकर गुन्हा दाखल करण्याचे आदेश दिले.

मध्य प्रदेश हायकोर्टाचे न्या. अतुल श्रीधरन यांच्या अध्यक्षतेखालील खंडपीठाने पोलीस महासंचालकांना बुधवारी सायंकाळपर्यंत मंत्र्याविरोधात गुन्हा दाखल करण्याचे आदेश दिले. तसेच असे कृत्य पुन्हा केल्यास त्यांना न्यायालयाच्या अवमान कारवाईचा सामना करावा लागेल, असे बजावले.

याप्रकरणी सरकारी महाधिवक्त्यांनी वेळ मागितला असता न्यायालयाने राज्याचे महाधिवक्ता प्रशांत सिंह यांना निर्देश जारी केले व या प्रकरणाची सुनावणी गुरुवारी करण्याचे निश्चित केले.

मंत्र्याच्या वकिलाने सांगितले की, न्यायालयाचा आदेश केवळ वर्तमानपत्रातील बातम्यांवर आधारित आहे. त्यावर न्यायालय म्हणाले की, याप्रकरणी ते अधिकृत पुरावा म्हणून व्हीडिओ लिंकचाही आधार घेतील.

Satara : जिल्हा बँकेच्या सत्ताकारणात भाजपच्या वाट्याला प्रतीक्षा! राष्ट्रवादी आणि शिवसेनेने एकजुटीने गड राखला

लासलगाव : लाल कांद्याच्या दरात ३०० रुपयांची घसरण; कांदा उत्पादक शेतकऱ्यांची चिंता वाढली

बाळासाहेबांचा फोटो फाडल्यावरून वाद : शायना यांची माफी, मात्र ठाकरेंची सेना आक्रमक

Mumbai : आता सैफ अली खानला धमकी; पोलिसांकडून तपास सुरू

भारत आता श्रीमंत,पण स्वच्छतेत ‘गरीब’ - सर्वोच्च न्यायालय