आपल्या दैनंदिन जीवनात व्हाट्सअ‍ॅपचे (WhatsApp) महत्त्व हे प्रचंड वाढले आहे. अगदी वैयक्तिक आयुष्यापासून ते आपल्या व्यावसायिक जीवनात या अ‍ॅपचा वापर होतो. हे अ‍ॅप 'मेटा'च्या मालकीचे असून याचा वापर पाहता अनेकदा नवनवीन फीचर्स येत असतात. अशामध्ये आता आणखी एका फिचरवर व्हाट्सअ‍ॅप काम करत आहे. हे फिचर आल्यानंतर आपल्याला ओरिजिनल क्वालिटी फोटोस शेअर करता येणार आहेत. यामुळे फोटोच्या क्वालिटीमध्ये फरक पडणार नाही.
व्हाट्सअ‍ॅपवरील नवीन ऑप्शनच्या मदतीने युजर्स सेटिंगवर क्लिक करून फोटो शेअर करू शकता. या फीचरशी संबंधित नवीन सेटिंग ऑप्शनवर क्लिक केल्यावर फोटो शेअर करण्याचा पर्याय दिसतो. यामध्ये युजर्सला ओरोजिनल फॉरमॅटमध्ये फोटो शेअर करण्याचा पर्याय मिळणार आहे. यापूर्वी फोटो शेअर करताना त्याच्या क्वालिटीवर फरक पडत होता. व्हाट्सअ‍ॅपचे स्टोरेज वाचवण्यासाठी हे अ‍ॅप आपोआपच फोटो कॉम्प्रेस करत होता. मात्र, आता ओरिजिनल क्वालिटी फोटोसाठी वेगळी व्यवस्था करण्यात आली आहे. त्यामुळे आता व्हाट्सअ‍ॅपवर फोटो शेअर करताना क्वालिटीची तक्रार येणार नाही.