समय रैनाचा ‘इंडियाज गॉट लेटेंट’ शो वादात; अरुणाचलच्या लोकांबाबत केलेल्या 'त्या' वक्तव्यामुळे स्पर्धकाविरोधात FIR सोशल मीडिया
राष्ट्रीय

समय रैनाचा ‘इंडियाज गॉट लेटेंट’ शो वादात; अरुणाचलच्या लोकांबाबत केलेल्या 'त्या' वक्तव्यामुळे स्पर्धकाविरोधात FIR

प्रसिद्ध कॉमेडियन समय रैना याचा 'इंडियाज गॉट लेटेंट' शो वादात अडकला आहे. या शोच्या एका स्पर्धकावर एफआयआर दाखल झाला आहे. स्पर्धकाने अरुणाचल प्रदेश आणि येथील लोकांविषयी आक्षेपार्ह टिप्पणी केल्याचा त्यात आरोप करण्यात आला आहे. शोच्या काही दिवसांपूर्वी झालेल्या एका भागात अरुणाचलची स्पर्धक 'जेसी नबाम' (Jessy Nabam) हीने 'कुत्र्याच्या मांस खाण्या'विषयी...

Kkhushi Niramish

प्रसिद्ध कॉमेडियन समय रैना याचा 'इंडियाज गॉट लेटेंट' शो वादात अडकला आहे. या शोच्या एका स्पर्धकावर एफआयआर दाखल झाला आहे. स्पर्धकाने अरुणाचल प्रदेश आणि येथील लोकांविषयी आक्षेपार्ह टिप्पणी केल्याचा त्यात आरोप करण्यात आला आहे. शोच्या काही दिवसांपूर्वी झालेल्या एका भागात अरुणाचलची स्पर्धक 'जेसी नबाम' (Jessy Nabam) हीने 'कुत्र्याच्या मांस खाण्या'विषयी ही वादग्रस्त टिप्पणी केली. याविषयी अरुणाचलच्या एका व्यक्तीने तिच्याविरोधात तक्रार दिल्यानंतर FIR दाखल करण्यात आला आहे.

'इंडियाज गॉट लेटेंट' या शोमध्ये एका भागात समय रैनाने जेसीला कार्यक्रमादरम्यान 'तिने कधी कुत्र्याचे मांस खाल्ले आहे का?', असा प्रश्न केला. यावेळी ती म्हणाली की तिने कधीही कुत्र्याचे मांस खाल्लेले नाही. मात्र, अरुणाचलमधील लोक कुत्र्याचे मांस खातात. तसेच तिने दावा केला की, ते कधी-कधी त्यांच्या पाळीव कुत्र्याला देखील खातात. यावर या शोचे जज बलराज सिंघ यांनी याला एक 'जोक' म्हणून घेतले. मात्र, जेसी ने हे खरं असल्याचे सांगितले.

हा व्हिडिओ थोड्याच वेळात सोशल मीडियावर व्हायरल झाला. तिच्या या वादग्रस्त वक्तव्यावर 'अरमान राम वेल्ली बाखा' (Armaan Ram Welly Bakha) या व्यक्तीने इटानगर पोलीस ठाण्यात तक्रार दिली. तो अरुणाचलच्या पूर्व कामेंग जिल्ह्यातील सेपा येथील रहिवासी आहे. यामध्ये त्याने जेसीवर अरुणाचल प्रदेशच्या आदिवासी जनजातीबद्दल अपमानजनक टिप्पणी केल्याचा आरोप केला. तसेच त्याने कडक कारवाईची मागणी केली. जेणेकरून पुन्हा शोमध्ये, असे कोणी करू नये. अरमान रामच्या तक्रारीनुसार 31 जानेवारीला जेसी विरोधात 'FIR' दाखल करण्यात आला.

A copy of the FIR | Photo from X (Twitter)

काय आहे इंडियाज गॉट लेटेंट शो?

इंडियाज गॉट लेटेंट हा एक कॉमेडी शो आहे. या शो मुळे स्टँड अप कॉमेडियन समय रैना हा प्रसिद्धीच्या झोतात आला. हा शो यु ट्यूबवर सर्वाधिक पाहिला जाणाऱ्या कॉमेडी शो पैकी एक आहे. उर्फी जावेद, राखी सावंत, तन्मय भट्ट, फराह खान, भारती सिंग, हर्ष लिंबाचिया, रफ्तार, पूनम पांडे, टोनी कक्कर, अविका गोर, रघु राम यांसारखे अनेक सेलिब्रिटी या शोमध्ये पाहुणे म्हणून आले आहेत.

Satara : जिल्हा बँकेच्या सत्ताकारणात भाजपच्या वाट्याला प्रतीक्षा! राष्ट्रवादी आणि शिवसेनेने एकजुटीने गड राखला

लासलगाव : लाल कांद्याच्या दरात ३०० रुपयांची घसरण; कांदा उत्पादक शेतकऱ्यांची चिंता वाढली

बाळासाहेबांचा फोटो फाडल्यावरून वाद : शायना यांची माफी, मात्र ठाकरेंची सेना आक्रमक

Mumbai : आता सैफ अली खानला धमकी; पोलिसांकडून तपास सुरू

भारत आता श्रीमंत,पण स्वच्छतेत ‘गरीब’ - सर्वोच्च न्यायालय