नवी दिल्ली : देशाच्या इतिहासात पहिल्यांदाच केंद्रीय अर्थसंकल्प हा रविवारी सादर केला जाणार आहे. लोकसभा अध्यक्ष ओम बिर्ला यांनी सोमवारी केंद्रीय अर्थसंकल्प हा १ फेब्रुवारी रोजीच सादर होणार आहे आणि तो रविवारीच सादर होणार आहे, असे स्पष्ट केले.

केंद्रीय संसदीय मंत्री किरेन रिजिजू यांनी अर्थसंकल्पीय अधिवेशनाचे वेळापत्रक गेल्या आठवड्यात जाहीर केले. यंदाचे अर्थसंकल्पीय अधिवेशन हे २८ जानेवारी आणि २ एप्रिलदरम्यान दोन सत्रात होणार आहे. रिजिजू यांनी अर्थसंकल्पीय अधिवेशनाचे पहिले सत्र १३ फेब्रुवारी रोजी संपुष्टात येईल. त्यानंतर दुसरे सत्र हे ९ मार्च रोजी सुरू होईल, असे सांगताना केंद्रीय अर्थसंकल्प हा १ फेब्रुवारी रोजी म्हणजे रविवारी सादर होणार असल्याचेही स्पष्ट केले.