नवी दिल्ली : पश्चिम बंगालमधील १५ मतदान केंद्रांवर २ मे रोजी फेरमतदान घेण्याचे आदेश निवडणूक आयोगाने शुक्रवारी दिले आहेत.
या केंद्रांवर २९ एप्रिल रोजी विधानसभा निवडणुकीच्या दुसऱ्या टप्प्यात मतदान झाले होते.
फेरमतदानाची वेळ सकाळी ७ ते संध्याकाळी ६ अशी असून १५ पैकी ११ मतदान केंद्रे 'मगरहाट पश्चिम' विधानसभा मतदारसंघात आहेत, तर ४ मतदान केंद्रे 'डायमंड हार्बर' मतदारसंघात येतात.
राज्य निवडणूक यंत्रणेकडून मिळालेल्या माहितीच्या आधारे हा निर्णय घेण्यात आला आहे.