घसा खवखवणे आणि घशात जळजळ होणे 
फोटो

सर्दीमुळे घशात खवखव आणि जळजळचा त्रास होतोय? हे घरगुती उपाय खोकल्याची सुट्टी करणार

वातावरणातील बदलामुळे तुम्ही सतत आजारी पडताय का? या घरगुती उपायांमुळे घशाला तात्काळ आराम मिळेल.

Swapnil S
वातावरणातील बदलामुळे तुम्ही ही सतत आजारी पडताय का? सर्दी आणि खोकल्याचा त्रास होतोय आणि घसाही वारंवार खराब होतोय. अंगदुखी, डोके दुखणे, सर्दी, खोकला, सतत शिंका येणे, घसादुखी या सगळ्या त्रासाचा कंटाळा येतो! थंडीच्या दिवसांमध्ये अ‍ॅलर्जी होण्याची शक्यता जास्त असते. त्यामुळे, शिंका येतात. सध्या वातावरणातील बदलामुळे रुग्णांची संख्या ही वाढली आहे. खाण्याच्या सवयी बदलल्यामुळे तसेच वेगवेगळ्या कारणामुळे घसा खवखवतो. आवाजातल्या कर्कशपणामुळे काही विशेष त्रास होत नसला तरी बोलताना आणि ऐकण्यात अडचण येते. वारंवार खोकल्याने कामाच्या ठिकाणी आजूबाजूच्या सहकाऱ्यांनाही याचा त्रास होऊ शकतो. आवाज दीर्घकाळ कर्कश राहिल्याने घशात जळजळ होते. खूप थंड पदार्थ खाल्ल्याने विशेषतः हिवाळ्यात ही समस्या उद्भवते. या सर्व समस्यांना दूर करण्याची काही घरगूती उपाय तुम्हाला लाभदायक ठरतील. ज्यामुळे घशाला तात्काळ आराम मिळेल.
मिठ- मिठाच्या पाण्याने गुळण्या करा – घशाच्या सर्व समस्यांपासून सुटका मिळवण्याचा एक अतिशय सोपा उपाय म्हणजे सकाळी उठल्या उठल्या तोंड न धुता मिठाच्या पाण्याने गुळण्या केल्याने घसा खवखवणे आणि आवाजातल्या कर्कशपणाच्या समस्या दूर होतात. यासाठी एका ग्लासमध्ये थोडे गरम पाणी घेऊन त्यात मीठ टाका. आता या पाण्याने दिवसातून किमान 2-3 वेळा गुळण्या करा.
अद्रक- खाण्यात आल्याचा वापर करा- जर तुमचा घसा खवखवत किंवा दुखत असेल तर खाण्यात आल्याचा वापर करा. आल्याचा तुकडा चावा. आल्यामध्ये काही असे घटक असतात जे घसादुखीपासून आराम देतात. याशिवाय आल्याचे काही तुकडे दुधात टाकून गरम दुध प्यावे. यामुळे घशाला खूप आराम मिळेल. आल्यावर मीठ लावूनही खाऊ शकता.
दालचिनी- दालचिनीचा वापर करा –दालचिनीमध्ये घशासाठी फायदेशीर गुणधर्म असतात. जर तुमचा घसा दुखत असेल तर दालचिनी वापरा. यासाठी दालचिनी पावडर १ चमचे मधात मिसळा आणि नंतर खा. यामुळे तुमच्या घशाला आराम मिळेल.
काळी मिरी- काळी मिरी खा –काळी मिरी घशातील समस्या दूर करण्यासाठी आणि सर्दी आणि खोकल्यापासून आराम मिळवण्यासाठी वापरा. यासाठी १ चमचा काळी मिरी पावडर घ्या आणि त्यात १ चमचा मध मिसळा आणि हे चाटण चाखा, नंतर अर्धा तास पाणी पिऊ नये. काळी मिरी टाकूनही चहा पिऊ शकता. यामुळे घसा खवखवणे दूर होईल आणि वारंवार येणाऱ्या खोकल्यापासून तुमची सुटका होईल.
ओवा आणि हळद- ओवा आणि हळद यात औषधी गुणधर्म असतात, त्यामुळे हळदीचा आहारात समावेश केला जातो. रात्री झोपताना गरम पाण्यात ओवा आणि थोडाशी हळद एकत्र उकळुन पिल्याने खोकला लवकर नाहीसा होऊ शकतो.

Also Read

महाराष्ट्राच्या राज्यपालपदाचा सीपी राधाकृष्णन यांनी दिला राजीनामा; गुजरातच्या राज्यपालांकडे अतिरिक्त कारभार

नेपाळमध्ये अडकले ४४ नाशिककर पर्यटक; कळवण तालुक्यातील ४० तर नाशिकमधील ४ जण संकटात!

Asia Cup 2025 : भारत-पाकिस्तान मॅच रद्द करण्यास SC चा नकार, याचिकेवर तातडीने सुनावणीची मागणी फेटाळली

बॉम्बे नाही, मुंबईच! कपिल शर्माला मनसेची सक्त ताकीद; नाहीतर...

शाहरुख खान-दीपिका पदुकोण यांना मोठा दिलासा; राजस्थान उच्च न्यायालयाकडून FIR चौकशीला स्थगिती