Asian Games 2026 : भारताची अंतिम फेरीत धडक; शफाली वर्माचे धडाकेबाज शतक (Photo-X)
क्रीडा

Asian Games 2026 : भारताची अंतिम फेरीत धडक; शफाली वर्माचे धडाकेबाज शतक

आयची-नागोया आशियाई क्रीडा स्पर्धेत भारतीय महिला क्रिकेट संघाने सलग दुसऱ्यांदा टी-२० क्रिकेटच्या अंतिम फेरीत धडक मारली आहे.

Swapnil S

निशिन : आयची-नागोया आशियाई क्रीडा स्पर्धेत भारतीय महिला क्रिकेट संघाने सलग दुसऱ्यांदा टी-२० क्रिकेटच्या अंतिम फेरीत धडक मारली आहे. रविवारी झालेल्या उपांत्य सामन्यात भारताने बांगलादेशचा ११४ धावांनी धुव्वा उडवला. या विजयासह भारताचे किमान रौप्यपदक निश्चित झाले आहे.

नाणेफेक जिंकून प्रथम फलंदाजी करणाऱ्या भारतीय संघाला सलामीवीर शफाली वर्माने तुफानी सुरुवात करून दिली. शफालीने अवघ्या ४९ चेंडूंत ९ षटकार आणि ३ चौकारांच्या मदतीने नाबाद १०० धावांची खेळी केली. आंतरराष्ट्रीय टी-२० कारकिर्दीतील तिचे हे पहिलेच शतक ठरले. तिच्या या धडाकेबाज शतकाच्या जोरावर भारताने २० षटकांत ४ बाद १९५ धावांचा डोंगर उभारला. तिला स्मृती मानधना (३७ धावा) आणि कर्णधार हरमनप्रीत कौर (४० धावा) यांनी उत्तम साथ दिली. शफाली आणि मानधना यांनी पहिल्या विकेटसाठी ७२ धावांची भागीदारी केली.

१९६ धावांच्या विशाल आव्हानाचा पाठलाग करताना बांगलादेशचा संघ १५.४ षटकांत अवघ्या ८१ धावांत गारद झाला. भारताकडून नंदनी शर्माने ३ बळी टिपले. बांगलादेशकडून दिलारा अक्टरने सर्वाधिक २३ चेंडूंत २७ धावा केल्या.

(इंग्रजी बातमी वाचण्यासाठी येथे क्लिक करा.)

दुष्काळाचे संकट गडद; आणखी चार तालुक्यांत दुष्काळ घोषित, राज्यात अन्य तालुक्यांचेही ग्राऊंड सर्वेक्षण होणार

स्मृतिदालनाचे लोकार्पण, नव्या वादाची चिन्हे; बाळासाहेबांबद्दल खरी निष्ठा, प्रेम असलेल्या व्यक्तीच्या हस्तेच लोकार्पण - उद्धव ठाकरे

आता सीसीटीव्हीचा मुद्दा ऐरणीवर; अजित पवार अपघातप्रकरणी चाैकशीची मागणी

३ हजार ४२ धरणांमध्ये ६४ टक्केच पाणी; राज्यातील स्थिती चिंताजनक; गतवर्षाच्या तुलनेत पाणीसाठ्यात २६ टक्क्यांची घट

चीनला शह देण्याचे आखाडे; बळाच्या वापराने परिस्थिती बदलण्याचा प्रयत्न करणाऱ्या एकतर्फी कृतींना ‘क्वाड’ परिषदेत विरोध