ठाणे

ओव्हरटेकवरून चौघांची कारचालकाला मारहाण

दमदाटीने दाम्पत्याच्या कारची तोडफोड करीत कारच्या नुकसानीसह चालकाला मारहाण केल्याची संतापजनक घटना भिवंडीतून समोर आली

Swapnil S

भिवंडी : ओव्हरटेकवरून चौघांकडून कारचालकाला मारहाण केल्याची घटना भिवंडीत घडली आहे. डोंबिवली येथील दाम्पत्य कारने मुंबई-नाशिक वाहिनीवरून घरच्या दिशेने जात असताना त्यांच्या पाठीमागून आलेल्या थार कारचालकांना ओव्हरटेक करू न दिल्याच्या रागातून चौघांनी आपसात संगनमत करून दमदाटीने दाम्पत्याच्या कारची तोडफोड करीत कारच्या नुकसानीसह चालकाला मारहाण केल्याची संतापजनक घटना भिवंडीतून समोर आली आहे. याप्रकरणी नारपोली पोलीस ठाण्यात चौघांविरोधात गुन्हा दाखल करण्यात आला आहे. सौरभ राजेंद्र भोईर (२१), अनिकेत बारकू पाटील (२१), प्रेमनाथ करसन केणी (२२), प्रसाद सुरेश शेलार (२० सर्व रा.भिवंडी) अशी गुन्हा दाखल झालेल्या तरुणांची नावे आहेत.

पोलिसांनी दिलेल्या माहितीनुसार, कारचालक अभिषेक राजेशकुमार सोई हे २२ जानेवारी रोजी रात्री १ वाजेच्या सुमारास त्यांच्या पत्नीसह नेक्सोन कारने मुंबई-नाशिक वाहिनीवरून डोंबिवली येथील राहत्या घरी जाण्यास निघाले होते. दरम्यान, ते ओवळी हद्दीतील मिनी पंजाब ग्रील हॉटेलसमोर आले असता, त्यांच्या पाठीमागून आलेल्या थार कारने आलेल्या आरोपींनी अप्पर डिप्पर देत ओव्हरटेक करण्याचा प्रयत्न केला. परंतु त्यावेळी दाम्पत्याच्या कार समोरून ट्रक जात असल्याने त्यांना आरोपींच्या थारला ओव्हरटेक करू देणे शक्य झाले नाही. त्यामुळे याच गोष्टीचा राग मनात धरून चौघांनी संगणमताने गाडी दाम्पत्याच्या कारसमोर आडवी घातली.

त्यानंतर आरोपींनी दाम्पत्य कारमध्ये असतानाच त्यांना शिवीगाळ करीत कारची तोडफोड केली. त्यामुळे भीतीने दाम्पत्याने कार पुढे घेऊन जाण्याचा प्रयत्न केला असता, चौघांनी पुन्हा पाठलाग करून दाम्पत्याचा रस्ता अडवून कारच्या काचा, हेडलाईट, आरसे फोडून बेस बॉलच्या अल्युमिनियमच्या दांड्याने अभिषेकच्या डाव्या हातावर मारून त्यास जखमी केले. याप्रकरणी विविध कलमान्वये चौघांवर नारपोली पोलिसांनी गुन्हा दाखल केला आहे. पुढील तपास सपोनि विजय कोळी करीत आहेत.

Maratha Reservation : सरकारचं आंदोलनाकडे दुर्लक्ष; मनोज जरांगेंचा मोठा निर्णय, उद्यापासून पाणीही बंद, आमरण उपोषण अधिक तीव्र होणार

बोलणी फिस्कटली; आंदोलन सुरूच! मनोज जरांगे-शिंदे समिती यांच्यातील चर्चा निष्फळ, हैदराबाद गॅझेट लागू करण्यास सरकारची तत्त्वतः मंजुरी

मराठी अभिनेत्री प्रिया मराठेचे निधन; कर्करोगाशी झुंज ठरली अपयशी, वयाच्या ३८ व्या वर्षी घेतला अखेरचा श्वास

रेल्वे स्टेशनमध्ये दोन दिवस राहा फक्त दहा रुपयांत...आंदोलकांच्या व्हॉट्सअपवर मेसेज व्हायरल, वाशीतील एक्झिबिशन सेंटरमध्ये व्यवस्था

मराठा आंदोलकांनी केला चक्काजाम; जरांगे-पाटील यांच्या आवाहनानंतर रस्ता मोकळा