नवी दिल्ली : सणासुदीच्या आधी अनेक आघाडीच्या व्यावसायिक आणि प्रवासी वाहन उत्पादकांनी ‘स्क्रॅप’ अर्थात भंगारात काढल्या जाणाऱ्या जुन्या वाहनांना मिळणाऱ्या स्क्रॅपेज प्रमाणपत्रावर नवीन वाहन खरेदीवर १.५ ते ३ टक्क्यांपर्यंत सवलत देण्याचे वाहन कंपन्यांनी मान्य केले आहे. यासंदर्भातील अधिकृत निवेदन मंगळवारी काढण्यात आले. केंद्रीय रस्ते वाहतूक आणि महामार्ग मंत्री नितीन गडकरी यांनी मंगळवारी भारत मंडपम येथे सियामच्या शिष्टमंडळासोबत बैठक घेतली. या बैठकीत त्यांनी वाहन उद्योगातील महत्त्वाच्या समस्यांवर लक्ष केंद्रित केले. मर्सिडीज बेंझ इंडियाने २५ हजार रुपयांची सवलत देऊ केली असून जी सध्याच्या सर्व सवलतींपेक्षा जास्त असेल. बस आणि व्हॅनसाठीही ही योजना विचारात घेतली जाऊ शकते, असे निवेदनात म्हटले आहे.
या बैठकीला सियामचे अध्यक्ष विनोद अग्रवाल, मारुती सुझुकी इंडियाचे एमडी आणि सीईओ हिसाशी टाकुची, टाटा मोटर्सचे कार्यकारी संचालक गिरीश वाघ यांच्यासह ऑटोमोबाईल उद्योगातील उच्च अधिकारी उपस्थित होते. अशोक लेलँडचे व्यवस्थापकीय संचालक आणि सीईओ शेनू अग्रवाल आणि टीव्हीएस मोटर कंपनीचे सीईओ केएन राधाकृष्णन यांच्यासह इतर उपस्थित होते, अशी माहिती सूत्रांनी दिली.
या संवादादरम्यान, मंत्री गडकरी यांच्या सल्ल्याला सकारात्मक प्रतिसाद देत आणि ‘फ्लीट मॉडर्नायझेशन’ आणि ‘सर्कुलर इकॉनॉमी’चे महत्त्व ओळखून एकाधिक व्यावसायिक वाहन उत्पादक आणि एकाधिक प्रवासी वाहन उत्पादकांनी ‘स्क्रॅपपेज सर्टिफिकेट’वर मर्यादित कालावधीसाठी सवलत देण्याचे मान्य केले आहे,” असे निवेदनात म्हटले आहे.
व्यावसायिक वाहन उत्पादक दोन वर्षांच्या मर्यादित कालावधीसाठी सवलत देऊ इच्छित आहेत आणि प्रवासी वाहन उत्पादक एका वर्षाच्या मर्यादित कालावधीसाठी सवलत देऊ इच्छित आहेत. या सवलतींमुळे वाहनांच्या ‘स्क्रॅपिंग’ला आणखी प्रोत्साहन मिळेल. त्यामुळे रस्त्यावर सुरक्षित, स्वच्छ आणि अधिक कार्यक्षम वाहने चालवले जातील, असेही निवेदनात म्हटले आहे.
निवेदनात पुढे म्हटले आहे की, हा उपक्रम भारताच्या अर्थव्यवस्थेला चालना देण्यासाठी, स्वच्छ, सुरक्षित आणि अधिक कार्यक्षम वाहनांच्या वापरास प्रोत्साहन देण्यासाठी एक महत्त्वपूर्ण पाऊल आहे.
निवेदनानुसार, मारुती सुझुकी इंडिया लिमिटेड, टाटा मोटर्स, महिंद्रा अँड महिंद्रा, ह्युंदाई मोटर इंडिया, किया मोटर्स, टोयोटा किर्लोस्कर मोटर, होंडा कार्स, जेएसडब्ल्यू एमजी मोटर, रेनॉल्ट इंडिया, निसान इंडिया आणि स्कोडा फोक्सवॅगन इंडिया या प्रवासी वाहन उत्पादक कंपन्या मागील सहा महिन्यांत वाहन मालकाने स्क्रॅप केलेल्या प्रवासी वाहनावर नवीन कारच्या एक्स-शोरूम किमतीच्या १.५ टक्के किंवा रु. २० हजार रुपये यापैकी जे कमी असेल ते डिस्काउंट ऑफर दिली आहे.
वाहन सिस्टीममध्ये स्क्रॅप केलेल्या वाहनाचे तपशील जोडले जातील. कंपन्या स्वेच्छेने विविध मॉडेल्सवर अतिरिक्त सवलती देऊ शकतात. कारची देवाणघेवाण होत नसून फक्त स्क्रॅप केली जात असल्याने एक्सचेंज आणि स्क्रॅप डिस्काउंट दरम्यान, फक्त स्क्रॅपेज सवलत लागू होईल, असे त्यात म्हटले आहे.
निवेदनानुसार, टाटा मोटर्स, व्होल्वो आयशर कमर्शियल व्हेईकल्स, अशोक लेलँड, महिंद्रा अँड महिंद्रा, फोर्स मोटर्स, इसुझू मोटर्स आणि एसएमएल इसुझु या व्यावसायिक वाहन उत्पादक व्यावसायिकांसाठी ३.५ टन पेक्षा जास्त मालवाहूत उत्पादनावर एक्स-शोरूम किमतीच्या तीन टक्के सवलत देतील.
स्क्रॅप केलेल्या ३.५ टन पेक्षा जास्त जीव्हीडब्ल्यू (ग्रॉस व्हेईकल वेट) व्यावसायिक मालवाहू वाहन स्क्रॅप केल्यास व्यावसायिक वाहनाच्या प्रमाणपत्राच्या बदल्यात वाहन खरेदी करणाऱ्या व्यक्तीला देण्यात येणारी सवलत एक्स-शोरूम किमतीच्या २.७५ टक्के समतुल्य असेल. असे म्हटले आहे.
