नवी दिल्ली : भारताच्या व्यापार करार भागीदार ऑस्ट्रेलियाला नोव्हेंबरमध्ये ६४.४ टक्क्यांची वाढ होऊन ६४३.७ दशलक्ष डॅलर निर्यात झाली आहे. वाणिज्य मंत्रालयाच्या आकडेवारीनुसार वस्त्र, रसायने आणि कृषी उत्पादन सारख्या क्षेत्रांमध्ये वाढ दिसून आली आहे.
देशाच्या वस्तू निर्यातीमध्ये २०२४-२५ च्या एप्रिल-नोव्हेंबर कालावधीत ५.२१ टक्क्यांची घट झाली असून ती ५.५६ बिलियन डॅलर झाली आहे, असे याबाबतच्या आकडेवारीत नमूद करण्यात आले आहे.
भारत आणि ऑस्ट्रेलियाने २९ डिसेंबर २०२२ रोजी एक अंतरिम व्यापार करार - आर्थिक सहकार्य आणि व्यापार करार लागू केला. आता या कराराचा विस्तार करून तो एक व्यापक आर्थिक सहकार्य करार करण्यासाठी चर्चा सुरू आहे.
कराराच्या दोन वर्षांच्या पूर्णतेनंतर वाणिज्य आणि उद्योग मंत्री पियूष गोयल म्हणाले की, या करारामुळे भारतीय निर्यातदारांसाठी बाजारातील प्रवेश वाढला आहे. लघू व मध्यम उद्योग आणि शेतकऱ्यांसाठी संधींमध्ये विस्तार झाला आहे आणि अनेक रोजगाराच्या संधी निर्माण झाल्या आहेत.
यामुळे २०२३-२४ मध्ये निर्यातींमध्ये १४ टक्क्यांची वाढ झाली आहे. माहिती तंत्रज्ञान, तसेच पूरक व्यवसाय आणि प्रवास सेवा क्षेत्रात उल्लेखनीय वाढ झाली आहे. तसेच पोर्ट-स्टडी काम आणि काम-हॉलिडे व्हिसा क्षेत्रातही वृद्धी झाली आहे, असे गोयल यांनी सोशल मीडिया प्लॅटफॉर्मवर सांगितले.
वाणिज्य मंत्रालयाने एका निवेदनात सांगितले की, वस्त्रृ, रसायने, आणि कृषी या प्रमुख क्षेत्रांमध्ये महत्त्वपूर्ण वाढ दिसून आली आहे. तर नवीन रेषांवरील निर्यात - सोने, डायमंडने सजवलेले आणि टर्बो-जेट्स यातील वाढ करारामुळे साधलेली विविधता दर्शविते.
महत्त्वाच्या कच्च्या मालाची आयात - जसे की धातूयुक्त खनिज, कापूस, लाकूड आणि लाकूड उत्पादनांनी भारताच्या उद्योगांना चालना दिली असून इलेक्ट्रॉनिक्स आणि अभियांत्रिकी क्षेत्रांना वाढीची संधी असल्याचे नमूद करण्यात आले आहे.
कराराच्या स्वाक्षरीपासून द्विपक्षीय माल व्यापार दुपटीने वाढला असून २०२०-२१ मध्ये १२.२ बिलियन डॅलरवरून २०२२-२३ मध्ये २६ बिलियन अब्ज झाला आहे.
एकूण व्यापार २०२३-२४ मध्ये कमी होऊन २४ बिलियन डॅलर झाला आहे. २०२४ च्या एप्रिल-नोव्हेंबर कालावधीत एकूण द्विपक्षीय माल व्यापार १६.३ बिलियन डॅलर झाला असल्याचे मंत्रालयाने म्हटले आहे.
दोन्ही देशांमध्ये प्राधान्य आयात आकडेवारीची देवाणघेवाण सुरू झाली असून २०२३ मध्ये कराराच्या प्रभावी अंमलबजावणीचे संकेत मिळत आहेत. निर्यात आणि आयातांची उपयोगिता अनुक्रमे ७९ टक्के आणि ८४ टक्के आहे.
