मुंबई : जागतिक अनिश्चिततेच्या काळात, विविध उच्च-वारंवारता निर्देशक भारतातील औद्योगिक आणि सेवा क्षेत्रातील आर्थिक घडामोडी स्थिर असल्याचे दर्शवितात, असे रिझर्व्ह बँकेच्या जून बुलेटिनमधील एका लेखात म्हटले आहे.
व्यापार धोरणातील अनिश्चितता आणि भू-राजकीय तणावातील वाढीच्या दुहेरी धक्क्यांमुळे जागतिक अर्थव्यवस्था अस्थिरतेच्या स्थितीत आहे, असे आरबीआयच्या जून बुलेटिनमधील एका लेखात म्हटले आहे.
जागतिक अनिश्चिततेच्या या वाढत्या स्थितीत, मे २०२५ साठीचे विविध उच्च-वारंवारता निर्देशक भारतातील औद्योगिक आणि सेवा क्षेत्रातील आर्थिक घडामोडी स्थिर असल्याचे दर्शवितात, असे त्यात म्हटले आहे. २०२४-२५ दरम्यान बहुतेक प्रमुख पिकांमध्ये शेतीने उत्पादनात व्यापक वाढ दर्शविली असल्याचे लेखात नमूद केले आहे. तसेच, देशांतर्गत किरकोळ महागाई घसरली आहे. मे महिन्यात सलग चौथ्या महिन्यात किरकोळ महागाई दर लक्ष्यापेक्षा कमी राहिला आहे.
‘अर्थव्यवस्थेची स्थिती’ या लेखात म्हटले आहे की, कर्ज बाजारात व्याजदर कपातीचे कार्यक्षम प्रसारण सुलभ करण्यासाठी आर्थिक परिस्थिती देखील अनुकूल राहिली आहे.
बुलेटिन लेखात व्यक्त केलेले विचार लेखकांचे आहेत आणि ते रिझर्व्ह बँकेच्या विचारांचे प्रतिनिधित्व करत नाहीत, असे रिझर्व्ह बँकेने म्हटले आहे.
