नवी दिल्ली : बांधकाम कंपनी धारिवाल बिल्डटेक, क्लाऊड इन्फ्रास्ट्रक्चर आणि डेटा सेंटर सेवा पुरवणारी ईएसडीएस सॉफ्टवेअर सोल्युशन आणि बीएलएस पॉलिमर्स यांना आयपीओद्वारे निधी उभारण्यासाठी सेबीकडून मंजुरी मिळाली आहे, अशी माहिती मंगळवारी नियामक संस्थेकडील ताज्या माहितीमध्ये देण्यात आली. तिन्ही आयपीओमध्ये केवळ नवीन शेअर्सची विक्री केली जाईल, त्यात ‘ऑफर-फॉर-सेल’ (ओएफएस) घटकाचा समावेश नसेल.
धारिवाल बिल्डटेकच्या पहिल्या सार्वजनिक भागविक्रीमध्ये ९५० कोटी रुपयांच्या इक्विटी शेअर्सचा नवीन इश्यू असेल, असे त्यांच्या डीआरएचपीनुसार नमूद आहे.
ईएसडीएस सॉफ्टवेअर सोल्युशन आयपीओद्वारे ६०० कोटी उभारण्याची योजना आखत आहे, जो पूर्णपणे नवीन इश्यू असेल.
बीएलएस पॉलिमर्सच्या आयपीओमध्ये १.७ कोटी इक्विटी शेअर्सचा नवीन इश्यू समाविष्ट असेल. या कंपन्या बीएसई आणि एनएसई या शेअर बाजारात सूचीबद्ध होतील.
