आपल्या दमदार अभिनयाने आणि खास संवादफेकीने अनेक पिढ्यांच्या प्रेक्षकांच्या मनावर अधिराज्य गाजवणारे ज्येष्ठ अभिनेते नाना पाटेकर यांचे आज, गुरुवारी (दि. ८) वयाच्या ७५व्या वर्षी निधन झाले. त्यांना तीव्र छातीत दुखत असल्याची माहिती मिळाल्यानंतर वैद्यकीय पथक गोव्यातील डोना पावला येथील त्यांच्या फ्लॅटवर पोहोचले. मात्र, त्यावेळी नाना पाटेकर प्रतिसाद देत नव्हते. त्यांना सीपीआर देण्यात आला आणि त्यानंतर तातडीने मणिपाल रुग्णालयात नेण्यात आले. मात्र, रुग्णालयातील वैद्यकीय पथकाने सकाळी ५.२० वाजता त्यांना मृत घोषित केले. हृदयविकाराच्या तीव्र झटक्याने त्यांचे निधन झाल्याचे प्राथमिक वृत्त आहे.
रुग्णालयात ४५ मिनिटे उपचाराचे प्रयत्न
रुग्णालयात दाखल केल्यानंतर डॉक्टरांनी सुमारे ४५ मिनिटे सीपीआर देत नाना पाटेकर यांना वाचवण्याचे प्रयत्न केले. मात्र, उपचारांना प्रतिसाद मिळाला नाही. आज त्यांचे शवविच्छेदन करण्यात येणार असल्याची माहिती मणिपाल रुग्णालयाचे डॉ. शेखर साळकर यांनी दिली.
अभिनयाची वेगळी शैली
नाना पाटेकर यांनी आपल्या प्रदीर्घ कारकिर्दीत अभिनयाची एक वेगळी शैली निर्माण केली. गंभीर आणि संवेदनशील भूमिकांपासून विनोदी आणि खलनायकी भूमिकांपर्यंत त्यांनी विविध व्यक्तिरेखा साकारल्या. प्रभावी संवादफेक, सहज अभिनय आणि वैशिष्ट्यपूर्ण शैलीमुळे त्यांनी प्रेक्षकांच्या मनात अढळ स्थान निर्माण केले.
नाना पाटेकर यांच्या निधनाचे वृत्त समोर आल्यानंतर हिंदी आणि मराठी चित्रपटसृष्टीसह त्यांच्या चाहत्यांमध्ये शोककळा पसरली आहे. त्यांच्या निधनाने मनोरंजन विश्वात कधीही भरून न निघणारी पोकळी निर्माण झाली आहे.
(बातमी अपडेट होत आहे.)
