तैपेई: तैवानचे राष्ट्राध्यक्ष विल्यम लाई यांना त्यांचा नियोजित परदेश दौरा रद्द करावा लागल्यानंतर अनेक युरोपियन खासदारांनी चीनवर तीव्र टीका केली आहे. 'द तैपेई टाइम्स'ने दिलेल्या वृत्तानुसार, चीनने लाई यांच्या विमान मार्गावरील देशांवर दबाव आणून हा दौरा रोखला असल्याचा आरोप होत आहे.
राष्ट्राध्यक्ष लाई यांचा दौरा सुटण्याच्या अवघ्या एक दिवस आधी अचानक रद्द करण्यात आला. सेशेल्स, मॉरिशस आणि मादागास्कर या देशांनी आधी दिलेली विमान उड्डाणाची परवानगी अचानक मागे घेतली.तैवानच्या राष्ट्राध्यक्ष कार्यालयाने या कृतीचे वर्णन "आर्थिक दबाव" असे केले असून, बीजिंगने (चीन) या निर्णयावर प्रभाव टाकल्याचे सूचित केले आहे.
चीन तैवानवर आपला हक्क सांगतो आणि तैवान हा चीनचा अविभाज्य भाग असल्याचे मानतो. दुसरीकडे, तैवान स्वतःचे सरकार, लष्कर आणि स्वतंत्र अर्थव्यवस्थेसह एक स्वतंत्र अस्तित्व टिकवून आहे. या वादामुळे चीन वारंवार तैवानला आंतरराष्ट्रीय स्तरावर एकटे पाडण्याचा प्रयत्न करत असतो.
