हिवाळा सुरू झाला की, शरीराला अधिक ऊर्जेची आणि उष्णतेची गरज भासते. थंडीच्या दिवसांत योग्य आहार घेतला नाही, तर सर्दी, खोकला, अशक्तपणा यांसारख्या समस्या वाढू शकतात. अशा वेळी आहारात बदाम (Almonds) समाविष्ट करणं आरोग्यासाठी अत्यंत फायदेशीर ठरतं. पोषणतज्ज्ञांच्या मते, हिवाळ्यात रोज मर्यादित प्रमाणात बदाम खाल्ल्यास शरीराला अनेक लाभ होतात.
उष्णता आणि ऊर्जा मिळते
बदामामध्ये चांगल्या प्रकारचे फॅट्स आणि प्रोटीन असतात. हिवाळ्यात बदाम खाल्ल्याने शरीरात उष्णता निर्माण होते आणि दिवसभर ऊर्जा टिकून राहते.
रोगप्रतिकारक शक्ती वाढते
बदामामध्ये असलेले व्हिटॅमिन E आणि अँटीऑक्सिडंट्स शरीराची रोगप्रतिकारक शक्ती मजबूत करतात. त्यामुळे सर्दी-खोकला आणि संसर्गापासून संरक्षण मिळतं.
मेंदूची कार्यक्षमता सुधारते
बदाम हे मेंदूसाठी अतिशय उपयुक्त मानले जातात. नियमित बदामाचे सेवन केल्याने स्मरणशक्ती वाढते, एकाग्रता सुधारते आणि मानसिक थकवा कमी होतो.
त्वचा आणि केसांसाठी फायदेशीर
बदामातील पोषक घटक त्वचेला पोषण देतात, कोरडेपणा कमी करतात आणि त्वचा चमकदार ठेवण्यास मदत करतात. केस गळती कमी होण्यासाठीही बदाम उपयुक्त ठरतात.
हाडे मजबूत राहतात
बदामामध्ये कॅल्शियम, मॅग्नेशियम आणि फॉस्फरस असतात. हिवाळ्यात बदाम खाल्ल्याने हाडे मजबूत राहतात आणि सांधेदुखीचा त्रास कमी होण्यास मदत होते.
पचनक्रिया सुधारते
भिजवलेले बदाम खाल्ल्यास पचनक्रिया सुधारते. बदामातील फायबर हिवाळ्यात अनेकांना होणारा बद्धकोष्ठतेचा त्रास कमी करण्यास मदत करतो.
बदाम कसे खावेत?
तज्ज्ञांच्या मते, रात्री बदाम पाण्यात भिजवून सकाळी सोलून खाल्ल्यास त्याचे फायदे अधिक मिळतात. रोज ४ ते ६ बदाम खाणे पुरेसे असते.
हिवाळ्यात आरोग्य टिकवायचं असेल, तर रोजच्या आहारात बदामाचा समावेश नक्की करा. छोटासा बदाम, पण आरोग्यासाठी मोठा फायदा देणारा असा हा सुकामेवा आहे.
