आजकाल स्किनकेअर रुटीनमध्ये शीट मास्कचा वापर मोठ्या प्रमाणावर केला जातो. त्वचेला झटपट हायड्रेशन आणि ताजेपणा मिळावा म्हणून अनेकजण महागडे शीट मास्क वापरतात. मात्र, घरात सहज उपलब्ध असलेल्या काही नैसर्गिक घटकांच्या मदतीने कमी खर्चातही असा फेस मास्क तयार करता येऊ शकतो.
टिश्यू पेपर, तांदळाचे पाणी, एलोवेरा जेल आणि मध यांचा वापर करून बनवलेला हा घरगुती शीट मास्क त्वचेला ओलावा मिळवून देण्यास आणि ताजेतवाने वाटण्यास मदत करू शकतो. मात्र, प्रत्येकाची त्वचा वेगळी असते. त्यामुळे कोणताही नवीन उपाय करण्यापूर्वी पॅच टेस्ट करणे आवश्यक आहे.
लागणारे साहित्य
१ साधा, सुगंधरहित टिश्यू पेपर (Unscented Tissue Paper)
२ ते ३ टेबलस्पून तांदळाचे पाणी
१ टेबलस्पून एलोवेरा जेल
½ टेबलस्पून मध
शीट मास्क तयार करण्याची पद्धत
स्टेप १ : टिश्यू पेपरचा फेस मास्क तयार करा
टिश्यू पेपर चेहऱ्यावर ठेवून डोळे, नाक आणि तोंडाच्या जागा हलक्या हाताने चिन्हांकित करा. त्यानुसार कात्रीने छिद्रे करून शीट मास्कचा आकार तयार करा.
स्टेप २ : घरगुती सीरम तयार करा
एका बाऊलमध्ये तांदळाचे पाणी, एलोवेरा जेल आणि मध घालून सर्व साहित्य व्यवस्थित मिसळा.
स्टेप ३ : मास्क भिजवून चेहऱ्यावर लावा
तयार टिश्यू पेपर या मिश्रणात पूर्णपणे भिजवा. नंतर तो हलक्या हाताने चेहऱ्यावर लावून व्यवस्थित बसवा.
किती वेळ ठेवावा?
शीट मास्क १५ ते २० मिनिटे चेहऱ्यावर ठेवा. त्यानंतर तो सावकाश काढून उरलेले मिश्रण हलक्या हाताने त्वचेत मुरू द्या. लगेच चेहरा धुण्याची गरज नाही.
या घरगुती शीट मास्कचे संभाव्य फायदे
तांदळाचे पाणी - त्वचेला ओलावा टिकवून ठेवण्यास आणि निस्तेजपणा कमी करण्यास मदत करू शकते.
एलोवेरा जेल - त्वचेला थंडावा देऊन ताजेतवाने वाटण्यास मदत करू शकते.
मध - त्वचा मऊ ठेवण्यास आणि नैसर्गिक मॉइश्चर टिकवून ठेवण्यास उपयुक्त ठरू शकतो.
वापरताना घ्या ही काळजी
प्रथम हातावर किंवा कानामागे पॅच टेस्ट करा.
त्वचेवर जळजळ, खाज किंवा लालसरपणा जाणवल्यास वापर थांबवा.
उघड्या जखमा किंवा संसर्ग असलेल्या त्वचेवर हा उपाय करू नका.
प्रत्येक वेळी स्वच्छ आणि नवीन टिश्यू पेपर वापरा.
(Disclaimer : ही माहिती सामान्य माहितीच्या उद्देशाने देण्यात आली आहे. कोणताही घरगुती स्किनकेअर उपाय करण्यापूर्वी पॅच टेस्ट करावी. त्वचेशी संबंधित समस्या असल्यास त्वचारोगतज्ज्ञांचा सल्ला घ्यावा.)
