उन्हाळ्यात थंडगार आणि हेल्दी ड्रिंक्स पिण्याची इच्छा अनेकांना होते. जर तुम्हालाही चॉकलेट फ्लेवर आवडत असेल आणि त्यासोबत काहीतरी पौष्टिक ट्राय करायचं असेल, तर चॉकलेट अवोकाडो स्मूदी हा उत्तम पर्याय ठरू शकतो. अवोकाडोचे क्रीमी टेक्स्चर, कोको पावडरचा रिच फ्लेवर आणि चिया सीड्सचा पौष्टिकपणा यामुळे ही स्मूदी चवदार आणि हेल्दी बनते. खास म्हणजे ही रेसिपी अवघ्या १० मिनिटांत तयार होते.
साहित्य :
१/२ अवोकाडो
१/२ कप पाणी
१ टीस्पून चिया सीड्स
२ टीस्पून कोको पावडर
१ कप आल्मंड मिल्क
१/२ केळं
कृती :
स्टेप १
मिक्सर जारमध्ये अवोकाडो, पाणी, चिया सीड्स, कोको पावडर, आल्मंड मिल्क आणि केळं घाला.
स्टेप २
सर्व साहित्य चांगलं ब्लेंड करून स्मूदी तयार करा. चवीनुसार गोडवा कमी-जास्त करण्यासाठी मध, मेपल सिरप किंवा स्टेव्हिया घालू शकता.
स्टेप ३
स्मूदी क्रीमी आणि पुडिंगसारखी टेक्स्चर झाल्यावर ती एका ग्लासमध्ये काढा.
स्टेप ४
सर्व्ह करण्यापूर्वी स्मूदी १ ते २ तास फ्रिजमध्ये थंड होण्यासाठी ठेवा. त्यानंतर थंडगार स्मूदी सर्व्ह करा.
टिप्स :
क्रीमी टेक्स्चर हवे असल्यास फ्रोझन केळं वापरा.
हेल्दी फॅट्ससाठी वरून ड्रायफ्रूट्स किंवा फ्लॅक्स सीड्स टाकू शकता.
चॉकलेट फ्लेवर रिच हवा असल्यास थोडी डार्क चॉकलेट शेविंग्ज घाला.
थंडगार चवेसाठी ब्लेंड करताना काही बर्फाचे तुकडेही वापरू शकता.
हेल्दी आणि स्वादिष्ट ड्रिंकचा पर्याय शोधत असाल, तर चॉकलेट अवोकाडो स्मूदीची ही सोपी रेसिपी नक्की ट्राय करा.
