मुंबई महापालिकेकडून वांद्रे पश्चिम येथील पाली हिल जलसाठ्याला पाणीपुरवठा सुधारण्यासाठी नवीन पाइपलाइनचे काम हाती घेण्यात आले आहे. या कामासाठी २८ मार्चपासून सुमारे १६ तास पाणीपुरवठा बंद ठेवण्यात येणार असल्याची माहिती पालिकेने दिली आहे.
पाइपलाइन काम आणि वेळ
महापालिकेने रामदास नायक मार्ग, स्वामी विवेकानंद मार्ग आणि आर. के. पाटकर मार्ग यांच्या जंक्शनवर ७५० मिमी व्यासाची मुख्य जलवाहिनी टाकली आहे.
या पाइपलाइनचे कमिशनिंग काम २८ मार्च रात्री ११ वाजता सुरू होईल. हे काम २९ मार्च सायंकाळी ५ वाजेपर्यंत सुरु राहणार आहे.
या कालावधीत वांद्रे आणि खारच्या काही भागांत पाणीपुरवठा पूर्णपणे बंद राहील, तर आजूबाजूच्या भागांत २९ मार्च रोजी कमी दाबाने पाणीपुरवठा होण्याची शक्यता आहे.
पाणीपुरवठा बंद असणारे भाग
खार पश्चिम, सांताक्रूझ पश्चिम आणि वांद्रे पश्चिमचे काही भाग
वेळ : सकाळी ४ ते ८:३०
मार्केट रोड, जैन मंदिर रोड, डी'मॉन्टे रोड परिसर
वेळ : सकाळी ४ ते ८:३०
हिल रोड, पेरी रोड, कार्टर रोड, आर. के. पाटकर रोड आणि आसपासचे भाग
वेळ : सकाळी १० ते दुपारी २
डॉ. आंबेडकर रोड, पाली गावठाण आणि वांद्रे/खार पश्चिम परिसर
वेळ : २८ मार्च रात्री १० ते १
कमी दाबाने पाणीपुरवठा
खार दांडा, चुईम व्हिलेज, गझदरबंध झोपडपट्टी आणि आसपासचे भाग
२९ मार्च रोजी सायंकाळी ५:३० ते रात्री १० दरम्यान कमी दाबाने पाणीपुरवठा
नागरिकांना सूचना
महापालिकेने नागरिकांना आवश्यक तेवढे पाणी आधी साठवून ठेवावे, पाण्याचा वापर जपून करावा तसेच पुढील ४ ते ५ दिवस पिण्याचे पाणी उकळून व गाळून वापरावे असे आवाहन केले आहे.
