प्रयागराज : संगमाच्या या शहरात माघ मेळ्यातील तिसरा प्रमुख स्नान सोहळा मौनी अमावस्येला शुक्रवारी झाला. शुक्रवारी सकाळी ८ वाजेपर्यंत सुमारे ९० लाख लोकांनी गंगा आणि पवित्र संगममध्ये स्नान केले, अशी माहिती एका सरकारी अधिकाऱ्याने दिली.
या संबंधात माघ मेळा प्रशासनाच्या अधिकाऱ्याने सांगितले की, राज्यभरातून लोक घाटांवर येत आहेत. ते म्हणाले की, प्रचंड गर्दी पाहता घाटांची लांबी ६,८०० फुटांवरून ८,००० फूट करण्यात आली असून एकूण १२ घाट तयार करण्यात आले असून, कपडे बदलण्यासाठी शेड बांधण्यात आल्या आहेत. प्रशासनाने १२ हजार संस्थात्मक शौचालयांव्यतिरिक्त सार्वजनिक शौचालयांची संख्या १८०० वरून सहा हजार केली आहे. मेळा परिसरात एकूण शौचालयांची संख्या आता १८ हजार झाली आहे, असे अधिकाऱ्याने सांगितले. राष्ट्रीय आपत्ती प्रतिसाद दलाचे निरीक्षक अनिल कुमार म्हणाले की, भाविकांच्या सुरक्षेसाठी परिसरात पुरेशा प्रमाणात कर्मचारी तैनात करण्यात आले आहेत.
