तिरुवअनंतपूरम/ कोल्लम : केरळचे राज्यपाल आरिफ मोहम्मद खान यांना केंद्र सरकारने झेड प्लस सुरक्षा कवच वाढविले आहे. त्यात सहाव्या एसएएफआयच्या (स्टुडंट्स फेडरेशन ऑफ इंडिया) निषेधाचा सामना खान यांना करावा लागला. यामुळे संतप्त झालेल्या राज्यपालांनी एका कार्यक्रमासाठी कोट्टारक्करा येथे जात असताना ते मोटारीतून खाली उतरून रस्त्याच्या बाजूला बसले आणि पोलीस कारवाईची मागणी करून त्यांनी ठिय्या आंदोलनच केले.
केरळचे मुख्यमंत्री पिनराई विजयन यांना "अवैधतेला प्रोत्साहन" दिल्याबद्दल फटकारले आणि त्यानंतर खान यांना स्टुडंट्स फेडरेशन ऑफ इंडियाच्या आंदोलक सदस्यांनी घेरले. या सर्व प्रकारामुळे भाजपने आपले वजन राज्यपालांमागे उभे केले असून या संबंधात राज्याचे सामान्य शिक्षण मंत्री व्ही शिवनकुट्टी म्हणाले की, देशातील कोणत्याही राज्याच्या राज्यपालाने असे वर्तन केले नाही, अशी टीका केली आहे. दुसऱ्या बाजूला काँग्रेसच्या नेतृत्वाखालील यूडीएफने म्हटले आहे की, हा सर्व राज्य सरकार आणि राज्यपालांच्या राजकीय नाटकाचा भाग आहे. विजयन यांच्यावर ‘राज्यातील अराजकतेला चालना’ दिल्याचा आरोप करत खान म्हणाले, राज्याचे प्रमुख म्हणून अराजकता खपवून घेतली जाणार नाही. राज्यपालांनी असेही सांगितले की त्यांच्यावरील हल्ले हे डाव्या सरकारच्या अपयशावरून लक्ष विचलित करण्यासाठी आणि काही कठोर कारवाई (त्याच्याकडून) चिथावणी देण्यासाठी आयोजित केले जात आहेत.
