नवी मुंबई : कस्टम विभागात अधिकारी असल्याची बतावणी करुन कस्टमकडून जप्त केलेले सोने बाजारभावापेक्षा कमी किमतीत मिळवून देण्याचे आमिष दाखवत अनेकांची कोट्यवधी रुपयांची फसवणूक करणाऱ्या माधवी किशोर ढेंबे ऊर्फ सान्वी सुहास चव्हाण हिच्या फसवणुकीचे आणखी एक गंभीर प्रकरण समोर आले आहे. माधवी ढेंबे हिने नवी मुंबईतील तीन तरुण डॉक्टरांना सोन्याच्या व्यवहाराचे आमिष दाखवून त्यांना तब्बल दीड कोटी रुपयांचा गंडा घातला आहे.
परतावा देण्यास टाळाटाळ
माधवीने या डॉक्टर्सना सुरुवातीला काही परतावा दिला, मात्र नंतर तिने परतावा देण्यास टाळाटाळ सुरु केली. त्यानंतर या डॉक्टर्सने माधवीची माहिती काढली असता तिने या आधीही केलेले कारनामे त्यांना समजले. त्यानंतर या डॉक्टर्सने थेट पोलीस आयुक्तांकडे थेट निवेदन सादर करुन माधवी ढेंबे हिच्यावर आपली रक्कम परत मिळवून देण्यासाठी तसेच संबंधित महिलेविरोधात कठोर कायदेशीर कारवाई करण्याची मागणी केली.
