मुंबईत २६ सप्टेंबरला प्रसिद्ध फॅशन डिझायनर मनीष मल्होत्रा यांच्या मिजवान फॅशन शोचे आयोजन करण्यात आले होते. या शोमध्ये आलिया भट्ट आणि विकी कौशल यांनी शोस्टॉपर्स म्हणून रॅम्पवर एन्ट्री घेतली. मात्र, शोमध्ये सहभागी झालेल्या सेलिब्रिटींचे फॅशन लूक्सही तितकेच चर्चेत राहिले. काजोलच्या चमकदार गुलाबी साडीपासून शिल्पा शेट्टीच्या मॉडर्न व्हाइट लूकपर्यंत अनेक अभिनेत्रींच्या स्टाइलने लक्ष वेधून घेतले. यंदाच्या शोमधून मिजवान वेल्फेअर सोसायटीच्या कारागिरीला १५ वर्षे पूर्ण झाल्याचाही टप्पा साजरा करण्यात आला.
काजोलचा चमकदार गुलाबी साडीतील अंदाज
काजोलने गुलाबी रंगाची सिक्विन साडी नेसून शोमध्ये हजेरी लावली. चमकदार साडीला तिने मॅचिंग स्लीव्हलेस ब्लाउजची जोड दिली. डायमंड इअररिंग्स आणि ब्रेसलेटसह तिने आपला लूक पूर्ण केला. तिच्या या ग्लॅमरस लूकने सर्वांचे लक्ष वेधून घेतले.
सान्या मल्होत्राचा ऑल-ब्लॅक लूक
सान्या मल्होत्राने यावेळी हटके ऑल-ब्लॅक लूक निवडला. स्ट्रॅपलेस कॉर्सेट-स्टाइल टॉपसोबत तिने प्लीटेड स्कर्ट आणि एका खांद्यावर घेतलेला दुपट्टा कॅरी केला. स्टेटमेंट चोकर, मॅचिंग इअररिंग्स, कडे आणि पारंपरिक अंगठ्यांनी तिने लूकला आणखी उठाव दिला.
शिल्पा शेट्टीचा व्हाइट लूक
शिल्पा शेट्टीने पांढऱ्या रंगाच्या मॉडर्न आउटफिटमध्ये एंट्री घेतली. तिच्या लूकमध्ये पारंपरिक चिकनकारीला मॉडर्न टच देण्यात आला होता. बँड्यू क्रॉप टॉपसोबत तिने हाय-वेस्ट, वाइड-लेग पलाझो परिधान केला होता. त्यावर फ्लोरल चिकनकारी एम्ब्रॉयडरी होती. गळ्याभोवती घेतलेला शिअर शिफॉन ड्रेप या लूकचा खास आकर्षण ठरला. मिंट ग्रीन स्टेटमेंट इअररिंग्स, मोठी सिल्व्हर रिंग आणि मेटॅलिक क्लचने तिने लूक पूर्ण केला.
माधुरी दीक्षितचा नाजूक चिकनकारी लूक
माधुरी दीक्षितने पेस्टल रंगांच्या नाजूक चिकनकारी एम्ब्रॉयडरीची पांढरी साडी नेसली होती. साडीवरील गुलाबी, मिंट ग्रीन, निळ्या आणि पिवळ्या रंगाच्या छटा लूकला उठाव देत होत्या. स्लीव्हलेस ब्लाउज, लांब इअररिंग्स, ब्रेसलेट, स्टेटमेंट रिंग आणि मेटॅलिक गोल्ड क्लचसह तिने लूक पूर्ण केला.
नितांशी गोयलचा मॉडर्न व्हाइट अवतार
नितांशी गोयलनेही पांढऱ्या रंगाची निवड केली. मात्र, तिच्या लूकमध्ये मॉडर्न स्टाइलचा टच दिसला. स्ट्रॅपलेस कॉर्सेट-स्टाइल बस्टियरसोबत तिने हाय-वेस्ट फ्लोअर-लेंथ स्कर्ट परिधान केला होता. एका खांद्यावरून घेतलेला हलका शिफॉन सॅश आणि त्याला जोडलेली फ्रिंज्ड ट्रेल लूकला वेगळा अंदाज देत होती.
सोनी राझदान आणि नीतू कपूर यांचीही स्टायलिश एन्ट्री
आलिया भट्टला पाठिंबा देण्यासाठी सोनी राझदान आणि नीतू कपूर यांनीही शोला हजेरी लावली. सोनी राझदान यांनी सिक्विनने सजवलेला शरारा परिधान केला होता. लांब ट्युनिक, वाइड-लेग ट्राउझर्स आणि शिअर दुपट्ट्यामुळे त्यांचा लूक उठून दिसत होता.
नीतू कपूर यांनी हॉट पिंक सिल्क सलवार सूट परिधान केला होता. नेकलाइन आणि स्लीव्हच्या कफवर गोल्ड एम्ब्रॉयडरी होती. गोल्ड टोनच्या बनारसी स्टाइल दुपट्ट्यासोबत त्यांनी मेटॅलिक क्लच आणि एम्बेलिश्ड पंप्स कॅरी केले.
उर्मिला मातोंडकरचा एलिगंट अंदाज
उर्मिला मातोंडकरने शॅम्पेन-गोल्ड रंगाच्या आउटफिटमध्ये हजेरी लावली. टेक्सचर्ड ट्युनिकसोबत तिने ड्रेप्ड प्लीटेड स्कर्ट परिधान केला होता. मेटॅलिक वॉच, नाजूक रिंग्स आणि ड्रॉप इअररिंग्ससह तिने ॲक्सेसरीज साध्या ठेवल्या.
रकुल प्रीत सिंह आणि जॅकी भगनानी
रकुल प्रीत सिंहने रंगीबेरंगी फ्लोरल साडी नेसून शोमध्ये ग्लॅमर वाढवले. साडीच्या बॉर्डरवर गोल्डन सिक्विन आणि बीड्सचे काम होते. स्लीव्हलेस हाय-नेक हॉल्टर ब्लाउजमुळे पारंपरिक साडीला मॉडर्न लूक मिळाला.
रकुलसोबत जॅकी भगनानीने आयव्हरी रंगाचा आउटफिट परिधान केला होता. लांब व्ही-नेक कुर्ता, वाइड-लेग ट्राउझर्स आणि खांद्यावर घेतलेला एम्ब्रॉयडर्ड व्हाइट स्टोल असा त्यांचा लूक होता.
अनन्या बिर्लाचा ब्लॅक इंडो-वेस्टर्न लूक
अनन्या बिर्लाने ब्लॅक इंडो-वेस्टर्न आउटफिट निवडला. क्रॉप्ड व्हेल्वेट जॅकेटला डीप व्ही-नेकलाइन आणि गोल्ड मिलिटरी-स्टाइल ब्रेडिंग व मेटॅलिक बटणांची सजावट होती. हाय-वेस्ट फ्लोअर-लेंथ ब्लॅक स्कर्टसोबत तिने स्टेटमेंट रिंग्स घातल्या.
विजय वर्माचा क्लासी लूक
विजय वर्माने पिनस्ट्राइप ब्लेझर आणि मॅचिंग ट्राउझर्स परिधान केले होते. त्याखाली सॅटिन शर्ट घातला होता. सिल्व्हर चेन, स्टड्स आणि रिंग्ससह त्याने लूकला स्टायलिश टच दिला.
मिजवानच्या १५ वर्षांच्या प्रवासाचा टप्पा
मनीष मल्होत्रांच्या या शोमध्ये मिजवान वेल्फेअर सोसायटीशी संबंधित कारागिरीचा १५ वर्षांचा प्रवासही साजरा करण्यात आला. मिजवानच्या कारागिरांच्या चिकनकारी आणि पारंपरिक हस्तकलेला फॅशनच्या माध्यमातून मोठे व्यासपीठ मिळत असल्याचे या शोचे वैशिष्ट्य आहे.
