नवी दिल्ली : ऑस्ट्रेलिया-अ संघाविरुद्ध ऑक्टोबरमध्ये खेळल्या जाणाऱ्या तीन सामन्यांच्या एकदिवसीय मालिकेसाठी अनुभवी अष्टपैलू खेळाडू हार्दिक पंड्या याची पूर्ण तंदुरुस्तीच्या अधीन राहून निवड करण्यात आली आहे, अशी घोषणा भारतीय क्रिकेट नियामक मंडळाने (बीसीसीआय) बुधवारी केली.
३२ वर्षीय पंड्याने आयपीएलच्या गेल्या हंगामात मुंबई इंडियन्सकडून शेवटचा स्पर्धात्मक सामना खेळला होता. त्यानंतर तो पायाच्या दुखापतीमुळे क्रिकेटपासून दूर होता, ज्यामुळे त्याला पूर्ण तंदुरुस्ती मिळवता आली नाही. या दौऱ्याची सुरुवात २२ सप्टेंबरपासून पुदुचेरीत होणाऱ्या पहिल्या बहुदिवसीय सामन्याने होईल, तर दुसरा सामना २९ सप्टेंबरपासून याच मैदानावर खेळवला जाईल. बहुदिवसीय सामन्यांनंतर पुद्दुचेरीत ६, ९ आणि ११ ऑक्टोबर रोजी तीन एकदिवसीय सामने खेळवले जाणार आहेत.
दरम्यान, भारताचा वरिष्ठ संघ २७, ३० सप्टेंबर आणि ३ ऑक्टोबर रोजी वेस्ट इंडिजविरुद्ध तीन एकदिवसीय सामने खेळणार आहे. आगामी घरगुती मालिकेत दोन बहुदिवसीय लाल चेंडूचे सामने आणि तीन पन्नास षटकांचे सामने खेळवले जाणार असून, देवदत्त पडिक्कल बहुदिवसीय भारत-अ संघाचे नेतृत्व करेल, तर ऋतुराज गायकवाड एकदिवसीय संघाचा कर्णधार असेल. पायाच्या दुखापतीतून सावरल्यानंतर साई सुदर्शनची बहुदिवसीय मालिकेसाठी भारत-अ संघाच्या उपकर्णधारपदी निवड करण्यात आली आहे.
भारतीय संघ तूर्तास सुट्टीवर असून लवकरच म्हणजे १३ सप्टेंबरपासून भारत-अफगाणिस्तान यांच्यात तीन सामन्यांची टी-२० मालिका सुरू होईल. त्यानंतर वेस्ट इंडिजचा संघ भारत दौऱ्यावर येणार असून उभय संघांत एकदिवसीय व टी-२० मालिका खेळवण्यात येईल.
भारताचे संघ
दोन दिवसीय लढतींसाठी : देवदत्त पडिक्कल (कर्णधार), अमन मोखाडे, आयुष पांडे, साई सुदर्शन, यश राठोड, शेख रशीद, कुमार कुशाग्र, शम्स मुलाणी, तनुष कोटियन, तुषार देशपांडे, अंशुल कंबोज, प्रफुल्ल हिंगे, नारायण जगदीशन, नचिकेत भुते, विजयकुमार वैशाख.
एकदिवसीय लढतींसाठी : ऋतुराज गायकवाड (कर्णधार), प्रियांश आर्य, साई सुदर्शन, देवदत्त पडिक्कल, रजत पाटीदार, कुमार कुशाग्र, निशांत सिंधू, विपराज निगम, अर्शीन कुलकर्णी, अर्शद खान, नमन धीर, हार्दिक पंड्या, प्रभसिमरन सिंग, गुर्जापनीत सिंग, यश ठाकूर.
