मेष - अपेक्षित फलप्राप्ती करून घेऊन शकाल. उत्साहात भर पडणार आहे. काही महत्त्वाच्या कामात यशाचे माप तुमच्या पदरात पडणार आहे. विरोधकांवर मात करण्यास अडचणी येणार नाहीत.
वृषभ - परिश्रमाला पर्याय नाही हे आपण जाणतोच, आपले इप्सित साध्य करण्यासाठी अंगी असलेले बळ व चातुर्य वापरावे लागणार आहे. अनावश्यक खर्च टाळावा. दविवादात पडू नका.
मिथुन - नात्यातील प्रेमळ धागाच जपला तर आपल्यासाठी ते फायद्याचेच आहे. थोरामोठ्यांच्या सल्ल्याने कार्य सिद्धितील अडचणी व त्रास कमी होणार आहे.
कर्क - कौटुंबिक जीवनात सामंजस्याचे धोरण अवलंबावे लागणार आहे. मनाविरुद्ध घडणाऱ्या लहानसान घटनांना अधिक महत्त्व देऊ नका. आपले मार्गक्रमण करत राहा. काही निर्णय चांगले होणार आहेत.
सिंह - व्यापार व्यवसायाच्या विस्ताराच्या संधी चालून येणार आहेत. कौटुंबिक स्नेहसंबंध जोपासण्यास तुम्हालाच पुढाकार घ्यावा लागणार आहे. प्रवासातून फायदा होण्याची शक्यता आहे.
कन्या - आपले तेच खरे असे वागू नका, त्याचा त्रास आपणाला होणार आहे. प्रसंगी दोन पावले मागे येणे कधीकधी हिताचे ठरते. नोकरी व्यवसायात प्रगती साठी केलेल्या प्रयत्नांना चांगले यश मिळेल.
तुळ - वातावरण आनंदी राहणार आहे. मानसन्मानाचे प्रसंग संभवतात. छोट्या-मोठ्या मतभेदाच्या प्रसंगांना सामोरे जावे लागणार आहे. धनप्राप्ती चांगली होणार आहे.
वृश्चिक - आपल्या खर्चाच्या बाबतीत अंदाज चुकू शकतात. खर्च करताना विचारपूर्वक करणे आवश्यक आहे. धावपळ आणि दगदग होण्याची शक्यता आहे. तब्येतीकडे दुर्लक्ष नको.
धनु - दुसऱ्यावर अवलंबून न राहता स्वकर्तृत्वावर अधिक भर दिला तर सरशी तुमचीच आहे. महत्त्वाची कामे पार पडणार आहे. संवादातून आर्थिक प्रगती साधता येणार आहे.
मकर - आपण केलेल्या श्रमाचा आपणास फायदा मिळणार आहे. वरिष्ठांच्या मर्जीने अधिकारात वाढ संभवते. धनप्राप्ती मनाजोगती असेल. कायद्यांचे उल्लंघन करू नका.
कुंभ - आपल्या कार्यक्षेत्रात तुम्ही स्वतःच्या कर्तबगारीचा ठसा उमटवणारा आहात. सामाजिक बांधिलकी समजून सामाजिक क्षेत्रात चांगले काम करणार आहात.
मीन - आलेल्या अडचणींकडे संधी म्हणून पहा. अडचणींना सकारात्मकतेने सामोरे जा. नोकरदारांनी नियमांची चौकट मोडून नये. निर्णय प्रक्रियेत घाई नको.