गेल्या नऊ दिवसांपासून गंभीर आजारी असलेल्या कॉमेडियन राजू श्रीवास्तव यांच्या मेंदूने काम करणे बंद केले आहे. त्यामुळे त्यांची प्रकृती अधिकच चिंताजनक बनली आहे. कोलकत्याहून न्यूरोलॉजिस्ट डॉ. पद्मा श्रीवास्तव यांना दिल्लीला बोलावले आहे. कुटुंबाला आता चमत्काराची अपेक्षा आहे.
बुधवारी रात्री उशिरापासून त्यांना वारंवार झटके येत आहेत. डॉक्टरांनी त्यांच्या डोक्याचे सीटी स्कॅन केले तेव्हा मेंदूच्या एका भागात सूज दिसून आली आहे. त्यांचे मोठे भाऊ सी.पी. श्रीवास्तव यांनी सांगितल्यानुसार, त्यांच्या मेंदूला सूज आल्याने पाणी आढळले आहे. कुटुंबातील सदस्य आणि अनेक नातेवाईक दिल्ली एम्समध्ये पोहोचले आहेत.दुसरीकडे राजू श्रीवास्तव यांच्यासाठी औषधोपचारांसह देवाला साकडे घातले जात आहेत. काशी विश्वनाथ धाम आणि उज्जैनच्या महाकालेश्वर मंदिरात महामृत्यूंजर मंत्राचा जप केला.