तेल अवीव : राजधानी तेल अवीवजवळ ग्लियोट येथे रविवारी एका ट्रकने बसथांब्याला धडक दिली. या घटनेत ३५ हून अधिक जण जखमी असून, ६ जणांची प्रकृती गंभीर आहे. हा दहशतवादी हल्ला असावा, असा संशय इस्रायली पोलिसांनी व्यक्त केला.
इस्त्रायली घटनास्थळावरील लोकांनी ट्रक चालकावर गोळी झाडली आणि त्याला रोखले. पोलिसांच्या प्राथमिक तपासानुसार, प्रवाशांना उतरवण्यासाठी एक बस थांब्यावर थांबली होती. याचवेळी एका ट्रकने बस आणि थांब्यावर उपस्थित असलेल्या लोकांना धडक दिली. यात ३५ जण जखमी झाले. विशेष म्हणजे ज्या भागात ही घटना घडली. तेथे ‘मोसाद’चे मुख्यालय तसेच ‘आयडीएफ’चा गुप्तचर विभाग आहेत.