binjalsvegkitchen.com /Pinterest
लाईफस्टाईल

Pani Puri: पाणीपुरीचा नेहमीचा फ्लेवर खाऊन कंटाळा आलाय? बनवा 'हे' वेगवेगळे फ्लेवर्स

Chaat Recipe: तुम्ही पाणी पुरी लव्हर्स असाल पण तुम्हाला गोड आणि आंबट फ्लेवर खाऊन कंटाळा आला असेल तर आम्ही दिलेल्या फ्लेवर्सच्या रेसिपी ट्राय करा.

Tejashree Gaikwad
चाट लव्हर्ससाठी पाणीपुरी हा सगळ्यात आवडीचा पदार्थ आहे. पाणीपुरीचा नाव ऐकताच अनेकांच्या तोंडाला पाणी सुटते. पण नेहमीच सेम फ्लेवर खाऊन कंटाळा येतो. याचसाठी आम्ही तुम्हाला घरच्या घरी वेगवेगळ्या फ्लेवर्सचे पाणीपुरीचे पाणी कसे बनवायचे ते सांगणार आहोत.
आमचूर पावडरचे पाणी: आमचूर अर्थात कैरीची पावडर. ही पावडर सहज बाजारात उपलब्ध होते. याचे पाणी बनवण्यासाठी एका मोठ्या भांड्यात ३ ग्लास पाणी घ्या. या पाण्यात अडीच चमचे आमचूर पावडरआणि २ चमचे साखर घाला. १ चमचा भाजलेले जिरे पावडर, चाट मसाला, अर्धा चमचा लाल तिखट, चिमूटभर हिंग आणि मीठ घालून छान मिक्स करून घ्या.
जलजिऱ्याचे पाणी : हे पाणी बनवण्यासाठी एका भांड्यात ३ ग्लास पाणी घेऊन त्यात १ जलजीरा, ३ चमचे साखर पावडर, १ चमचा लिंबाचा रस, १ चमचा तिखट आणि चवीनुसार मीठ टाका. तुमचे पाणी तयार आहे.
लसूण पाणी: नाव वाचून वाटेल की हा फ्लेवर कसा लागेल पण हा एक उत्तम पर्याय आहे. सर्वाधिक ३-४ पाकळ्या किसून घ्या आणि एका मोठ्या भांड्यात ३ ग्लास पाणी घ्या आणि त्यात किसलेल्या लसणाच्या पाकळ्या,१ चमचे काळे मीठ, अर्धा चमचा काळी मिरी पावडर आणि चवीनुसार मीठ घाला चांगले मिसळा.
चिंचेचे पाणी: पाणीपुरीच्या पाण्यासाठी चिंचेचे पाणी हा एक उत्तम पर्याय आहे. हे बनवण्यासाठी अर्धी वाटी चिंच १ तास भिजत ठेवा. ठरलेल्या वेळेनंतर एका मोठ्या भांड्यात ३ ग्लास पाणी घेऊन त्यात चिंचेचा कोळ काढून त्यात १ चमचा चाट मसाला, अर्धा चमचा भाजलेले जिरे आणि चवीनुसार मीठ टाका.
कोथिंबीर-पुदिन्याचे पाणी: धणे-पुदिन्याचे पाणी बनवण्यासाठी हिरवी धणे आणि पुदिना समान प्रमाणात घ्या. एका मोठ्या भांड्यात तीन ग्लास पाणी घेऊन त्यात २ हिरव्या मिरच्या, अर्धा चमचा काळे मीठ, लिंबाचा रस आणि कोथिंबीर आणि पुदिना बारीक करून मिश्रण टाका. आता हे सर्व मिश्रण चांगले मिसळा. कोथिंबीर-पुदिन्याचे पाणी तयार आहे.

Also Read

दिल्ली उच्च न्यायालयाचा मोठा निर्णय; कॉकरोच जनता पार्टीचे 'एक्स' अकाउंट पुन्हा सुरू करण्याचे आदेश

Mumbai : धरणक्षेत्रात पाऊसधारा; २४ तासांत पाणीसाठ्यात ३.७३ टक्क्यांनी वाढ

Kasara Ghat Landslide : जुन्या कसारा घाटात दरड कोसळली; मुंबई-नाशिक महामार्गावरील वाहतूक विस्कळीत, Video

उरण : जेएनपीए बंदरात वादळी वाऱ्याचा तडाखा; कंटेनर पडून एका कामगाराचा मृत्यू

मुसळधार पावसानंतर ठाण्यात अस्वच्छतेचे साम्राज्य; झाडांच्या फांद्या अद्याप रस्त्यांवर, नागरिकांकडून तातडीने साफसफाईची मागणी