दूध हा रोजच्या आहाराचा महत्त्वाचा भाग मानला जातो. चहा, कॉफी, गोड पदार्थ किंवा मुलांच्या पोषणासाठी प्रत्येक घरात दूध वापरलं जातं. मात्र दूध घेताना अनेकजण फक्त ब्रँडकडे लक्ष देतात, पण पाकिटाचा रंग काय सांगतो याकडे फारसं लक्ष दिलं जात नाही.

खरंतर दुधाच्या पाकिटावर असलेले निळे, हिरवे किंवा नारंगी रंग हे केवळ डिझाईनसाठी नसतात. हे रंग दुधातील फॅटचं प्रमाण आणि दुधाचा प्रकार दर्शवण्यासाठी वापरले जातात.

निळ्या रंगाचं पाकीट म्हणजे काय?

निळ्या रंगाचं दूधाचं पाकीट सामान्यतः ‘टोन्ड मिल्क’ दर्शवतं.

या दुधामध्ये फॅटचं प्रमाण तुलनेने कमी असतं. साधारणपणे:

• फॅट : सुमारे ३%

• SNF (Solid Not Fat) : सुमारे ८.५%

वजन नियंत्रण किंवा कमी फॅटचं दूध पसंत करणारे अनेकजण हा पर्याय निवडतात.

हिरव्या रंगाचं पाकीट काय दर्शवतं?

हिरव्या रंगाचं पाकीट ‘स्टँडर्डाइज्ड मिल्क’साठी वापरलं जातं.

यामध्ये फॅटचं प्रमाण मध्यम असतं:

• फॅट : सुमारे ४.५%

• SNF : सुमारे ८.५%

दैनंदिन वापरासाठी हा प्रकार अनेक घरांमध्ये लोकप्रिय मानला जातो.

नारंगी रंगाचं पाकीट म्हणजे फुल क्रीम दूध

नारंगी रंगाचं पाकीट ‘फुल क्रीम’ किंवा ‘होल मिल्क’ दर्शवतं.

या दुधामध्ये फॅटचं प्रमाण सर्वाधिक असतं:

• फॅट : सुमारे ६%

• SNF : सुमारे ९%

लहान मुलं, गोड पदार्थ किंवा अधिक क्रीमी चव हवी असल्यास हा प्रकार वापरला जातो.

पाकिटाचा रंग म्हणजे गुणवत्ता असते का?

अनेकांचा असा समज असतो की वेगळ्या रंगाचं पाकीट म्हणजे दूध अधिक चांगलं किंवा शुद्ध आहे. मात्र तज्ज्ञांच्या मते, रंगाचा संबंध मुख्यतः फॅटच्या प्रमाणाशी असतो, गुणवत्तेशी नाही.

दूध निवडताना काय लक्षात ठेवाल?

• घरातील गरजेनुसार दूध निवडा

• फॅटचं प्रमाण तपासा

• एक्सपायरी डेट पाहा

• विश्वसनीय ब्रँडचं दूध घ्या

पुढच्या वेळी दूध खरेदी करताना पाकिटाचा रंग पाहून त्यातील फरक समजून घेतल्यास योग्य पर्याय निवडणं अधिक सोपं होऊ शकतं.

(Disclaimer : या लेखातील माहिती सार्वजनिक स्रोतांवर आधारित आहे. ‘नवशक्ति’ या माहितीची अचूकता किंवा परिणामकारकता याची हमी देत नाही. रंग-कोड केवळ सामान्य मार्गदर्शनासाठी आहे, प्रत्येक ब्रँडमध्ये फरक असू शकतो.)