नोकरी करणाऱ्या बहुतांश कर्मचाऱ्यांच्या पगारातून दर महिन्याला प्रॉव्हिडंट फंड (PF) कापला जातो. मात्र, आपल्या PF खात्यात नेमके किती पैसे जमा झाले आहेत, याची माहिती अनेकांना नसते. निवृत्तीनंतरची ही महत्त्वाची बचत असल्याने वेळोवेळी PF बॅलन्स तपासणे गरजेचे आहे. आता ही माहिती मिळवण्यासाठी EPFO कार्यालयात जाण्याचीही गरज नाही. मोबाईल किंवा लॅपटॉपच्या मदतीने काही मिनिटांतच तुम्ही PF खात्यातील रक्कम पाहू शकता. जाणून घ्या EPF बॅलन्स तपासण्याच्या ५ सोप्या पद्धती.

PF बॅलन्स तपासण्यापूर्वी या गोष्टी आवश्यक

ऑनलाइन किंवा ऑफलाइन कोणतीही पद्धत वापरण्यापूर्वी खालील गोष्टी पूर्ण असणे गरजेचे आहे.

• UAN (Universal Account Number) सक्रिय असणे

• आधार, पॅन आणि बँक खात्याची KYC पूर्ण असणे

• मोबाईल क्रमांक UAN शी लिंक असणे (SMS आणि मिस्ड कॉल सुविधेसाठी)

१. EPFO पोर्टलवरून PF बॅलन्स तपासा

EPFO च्या सदस्य पासबुक पोर्टलवर लॉगिन करून PF बॅलन्स सहज पाहता येतो.

• EPFO Member Passbook Portal वर जा.

• UAN आणि पासवर्ड टाकून लॉगिन करा.

• OTP पडताळणी पूर्ण करा.

• Member ID निवडा.

• 'View Passbook' वर क्लिक करा.

यानंतर कर्मचाऱ्याचा हिस्सा, नियोक्त्याचा हिस्सा आणि पेन्शन (EPS) याची माहिती दिसेल.

२. UMANG App द्वारे

UMANG अ‍ॅपच्या मदतीने PF बॅलन्स पाहण्याबरोबरच क्लेमही करता येतो.

• UMANG App डाउनलोड करा.

• Services → Social Security → EPFO निवडा.

• 'Employee Centric Services' मध्ये 'View Passbook' वर क्लिक करा.

• UAN आणि OTP टाकून लॉगिन करा.

• Member ID निवडल्यानंतर संपूर्ण पासबुक दिसेल.

३. मिस्ड कॉल देऊन PF बॅलन्स जाणून घ्या

इंटरनेट नसले तरी ही सुविधा वापरता येते.

• UAN शी नोंदणीकृत मोबाईलवरून 9966044425 या क्रमांकावर मिस्ड कॉल द्या.

• दोन रिंगनंतर कॉल आपोआप कट होईल.

• काही क्षणांत SMS द्वारे PF बॅलन्सची माहिती मिळेल.

४. SMS द्वारे PF बॅलन्स

SMS पाठवूनही PF बॅलन्स तपासता येतो.

• नोंदणीकृत मोबाईलवरून 7738299899 या क्रमांकावर SMS पाठवा.

• संदेशाचा फॉरमॅट:
  EPFOHO UAN MAR

'MAR' टाकल्यास माहिती मराठीत मिळू शकते. याशिवाय हिंदी, इंग्रजीसह इतर भाषांचाही पर्याय उपलब्ध आहे.

५. DigiLocker मधून PF पासबुक पाहा

DigiLocker वापरणाऱ्यांसाठीही ही सुविधा उपलब्ध आहे.

• DigiLocker मध्ये लॉगिन करा.

• EPFO सेवा शोधा.

• 'Employee Provident Fund – Passbook' निवडा.

• UAN आणि OTP पडताळणी करा.

• त्यानंतर PF पासबुक पाहता किंवा डाउनलोड करता येईल.

मोबाईल नंबर नोंदणीकृत नसेल तर?

जर तुमचा मोबाईल नंबर UAN शी लिंक नसेल, तरीही UAN आणि पासवर्डच्या मदतीने EPFO Member Passbook Portal वर लॉगिन करून PF बॅलन्स पाहता येतो.

PF बॅलन्स दिसत नसेल तर ही कारणे असू शकतात

• UAN सक्रिय नसणे

• KYC अपूर्ण असणे

• आधार आणि PF मधील माहिती जुळत नसणे

• नुकतेच UAN सक्रिय केले असल्यास पासबुक अपडेट होण्यासाठी काही तास लागू शकतात

• Exempted Establishment मध्ये नोकरी असल्यास EPFO वर पासबुक उपलब्ध नसते

Exempted Establishment मध्ये काम करत असाल तर?

काही खासगी कंपन्या स्वतःचा PF ट्रस्ट चालवतात. अशा कर्मचाऱ्यांचा PF बॅलन्स EPFO पोर्टलवर दिसत नाही. अशावेळी तुम्ही:

• पगाराची स्लिप तपासा.

• कंपनीच्या कर्मचारी पोर्टलवर लॉगिन करा.

• HR विभागाशी संपर्क साधा.

PF पासबुक डाउनलोड कसे कराल?

PF पासबुक डाउनलोड करण्यासाठी खालील पर्याय वापरू शकता.

• EPFO Member Portal

• UMANG App

• DigiLocker

PF बॅलन्स तपासणे का महत्त्वाचे?

PF खात्यातील रक्कम नियमित तपासल्यास दर महिन्याचा जमा होणारा निधी, व्याज आणि नियोक्त्याने केलेले योगदान याची माहिती मिळते. नोकरी बदलताना, PF ट्रान्सफर करताना किंवा क्लेम दाखल करतानाही ही माहिती उपयोगी ठरते.

(संबधित इंग्रजी बातमी वाचण्यासाठी येथे क्लिक करा.)