सकाळी धावपळीत पटकन बनणारं आणि सगळ्यांना आवडणारं काही हवंय? मग ही खास रवा सॅन्डविच रेसिपी तुमच्यासाठीच! घरात अगदी थोड्या साहित्यामध्ये झटपट तयार होणारी ही डिश मुलांपासून मोठ्यांपर्यंत सगळ्यांनाच खूप आवडेल. चला तर मग जाणून घेऊया ही झटपट आणि चविष्ट रवा सॅन्डविच रेसिपी!

साहित्य :

• २ वाटी रवा

• १ वाटी दही

• १ कांदा (बारीक चिरलेला)

• १ शिमला मिरची (बारीक चिरलेली)

• १ टोमॅटो (बारीक चिरलेला)

• हिरव्या मिरच्या (बारीक चिरलेल्या)

• कोथिंबीर (बारीक चिरलेली)

• चवीपुरतं मीठ

• ब्रेड स्लाइस

• तेल

कृती :

एका भांड्यात रवा घेऊन त्यात दही मिसळा. त्यामध्ये कांदा, शिमला मिरची, टोमॅटो, हिरव्या मिरच्या आणि मीठ घाला. वरून कोथिंबीर टाकून सगळं चांगलं मिक्स करा. नंतर या मिश्रणात थोडं उकळलेलं पाणी घालून मध्यमसरशी घोळ तयार करा. हा घोळ १०-१५ मिनिटं झाकून ठेवावा.

आता पॅनवर थोडं तेल टाकून गरम करून घ्या. ब्रेडच्या स्लाइसला तयार घोळात बुडवून दोन्ही बाजूंनी मंद आचेवर शेकून घ्या. ब्रेड सोनेरी तपकिरी झाल्यावर गॅसवरून उतरवा.

असं करून काही मिनिटांत तयार होतं झटपट आणि चविष्ट रवा सॅन्डविच. हे सँडविच सॉस किंवा चटणीसोबत सर्व्ह केलं, की सगळ्यांच्या तोंडाला पाणी सुटणार हे नक्की!