ANI
महाराष्ट्र

शिंदे गटाकडून युवासेनेची कार्यकारिणी जाहीर ; गटातील आमदारपुत्रांचा प्रामुख्याने समावेश

शिवसेनेवर दावा केल्यानंतर आता शिंदे गटाने आदित्य ठाकरेंच्या युवासेनेवरही दावा केला आहे

प्रतिनिधी

शिवसेनेत बंड केल्यानंतर आता शिंदे गटाने युवासेनेला देखील लक्ष्य केले आहे. शिवसेनेवर दावा केल्यानंतर आता शिंदे गटाने आदित्य ठाकरेंच्या युवासेनेवरही दावा केला आहे. युवासेनेची नवी कार्यकारिणी त्यांनी जाहीर केली आहे. विशेष म्हणजे यात मुख्यमंत्री एकनाथ शिंदे यांच्यासोबत गेलेल्या आमदारांच्या पुत्रांचा समावेश आहे. यातील अनेक जण हे आधी आदित्य ठाकरे यांच्यासोबत युवासेनेतच कार्यरत होते.

मुख्यमंत्री एकनाथ शिंदे यांनी शिवसेनेत ऐतिहासिक बंड केले. त्यांच्यासोबत ४० आमदार व १२ खासदारही गेले. खरी शिवसेना आमचीच, असा दावा शिंदे गटाने केला असून दसरा मेळावा देखील आयोजित केला आहे. आता आदित्य ठाकरे यांच्या नेतृत्वाखालील युवासेनेलाही शिंदे गटाने लक्ष्य केले आहे. युवासेनेची नवी कार्यकारिणी शिंदे गटाने जाहीर केली आहे.

शिंदे गटाने युवा सेनेच्या कार्यकारिणीत बंडखोर आमदार पुत्रांना प्रामुख्याने स्थान दिले आहे. त्यात दादा भुसे, भरत गोगावले, अर्जुन खोतकर, दिलीप लांडे, सदा सरवणकर, प्रकाश सुर्वे आदींच्या पुत्रांचा कार्यकारिणीत समावेश आहे. हे आमदार पुत्र आजपर्यंत आदित्य ठाकरे यांच्याबरोबर काम करत होते.

IND vs ENG 2025 : क्रिकेटच्या पंढरीत भारताची कसोटी! लॉर्ड्स स्टेडियमवर आजपासून तिसरा सामना, मालिकेत आघाडी घेण्याचे लक्ष्य

हॉटेल उद्योगावर मंदीचे सावट; शुल्क कमी न केल्यास ‘हॉटेल बंदचा’ व्यावसायिकांचा इशारा

भारतीय वंशाचे सबिह खान Apple चे नवे COO; लवकरच घेणार जेफ विल्यम्स यांची जागा

लैंगिक छळाच्या तक्रारीनंतर केलेली बदली रद्द; सहाय्यक प्राध्यापक महिलेला उच्च न्यायालयाचा दिलासा

BEST चे कंत्राटी कर्मचारी संप पुकारण्याच्या तयारीत; संपाच्या निर्णयासाठी मतदान सुरू