नंदुरबार : जिल्ह्यातील तोरणमाळ येथे प्रवासी वाहनाचा अपघात झाला असून या अपघातात चार जणांचा जागीच मृत्यू झाल्याची घटना घडली आहे. या अपघातात दोन जण गंभीर जखमी आहेत. या अपघाताची माहिती कळताच स्थानिकांनी घटनास्थळी धाव घेतली.

मॉगोरंबा गावापासून लेगापाणी या गावाकडे हे वाहन जात होते. यावेळी वाहनावरील चालकाचा ताबा सुटल्याने तीव्र उतारावरून गाडी ही खोल दरीत कोसळली. यामुळे हा मोठा अपघात झाला आहे. घटनास्थळी ग्रामस्थांनी बांबूची झोळी करत मृतदेह बाहेर काढले आहेत. स्थानिकांच्या मदतीने चारही मृतदेह बाहेर काढण्यात आले असून जखमींना तातडीने म्हसावद ग्रामीण रुग्णालयात उपचार करण्यासाठी दाखल करण्यात आले आहे.