मुंबई : राज्यातील अतिमहत्त्वाच्या व्यक्तींच्या हवाई प्रवासासाठी भाडे तत्त्वावर हेलिकॉप्टर आणि विमान घेण्याचा निर्णय राज्य सरकारने घेतला आहे. त्याकरिता "साई एव्हीएशन" व "ॲरो एअरक्राफ्ट सेल्स अॅन्ड चार्टस् प्रा.लि." या दोन कंपन्यांची नियुक्ती केली आहे. या दोन्ही कंपन्यांना दोन वर्षांसाठी कंत्राट देण्यात आले आहे. याबाबत बुधवारी शासन निर्णय जारी करण्यात आला.

राज्यातील अतिमहत्त्वाच्या व्यक्तींना ये-जा करण्यासाठी हेलिकॉप्टर व विमान सेवा उपलब्ध करून देण्याचा निर्णय राज्य सरकारने घेतला आहे. कमीत कमी दरात ही सेवा उपलब्ध करून देण्यास राज्य सरकारने मंजुरी दिली आहे.