मुंबई : मंत्रालयातील लिपिकाला मारहाण केल्याच्या खटल्यातून माजी मंत्री बच्चू कडू यांची येथील विशेष न्यायालयाने शुक्रवारी मुक्तता केली. हे प्रकरण २०११ मधील आहे.

विशेष न्यायालयाचे न्यायाधीश ए. यू. कदम यांनी संबंधित खटल्यांची सुनावणी करताना अमरावती जिल्ह्यातील अचलपूरचे अपक्ष आमदार कडू यांची मुक्तता केली. न्यायालयाच्या निकालाचे सविस्तर तपशील उशिरापर्यंत उपलब्ध झाले नाहीत. बच्चू कडू हे प्रहार जनशक्ती पक्षाचे प्रमुख असून राज्यातील महायुती सरकारला त्यांच्या पक्षाचा पाठिंबा आहे.