महाराष्ट्र

शस्त्र परवान्यासाठी घडवून आणला गोळीबार

पुणे जिल्ह्यातील युवासेनेचे जिल्हाध्यक्ष निलेश घारे यांच्या गाडीवर झालेल्या गोळीबाराच्या घटनेचे गूढ उकलले असून, हा गोळीबार घारे यांनीच स्वतः घडवून आणल्याचा धक्कादायक प्रकार समोर आला आहे. शस्त्र परवाना मिळावा आणि पोलीस संरक्षण मिळावे यासाठी त्यांनी हा बनाव रचल्याचा संशय वारजे पोलिसांकडून व्यक्त करण्यात येत आहे.

Swapnil S

पुणे : पुणे जिल्ह्यातील युवासेनेचे जिल्हाध्यक्ष निलेश घारे यांच्या गाडीवर झालेल्या गोळीबाराच्या घटनेचे गूढ उकलले असून, हा गोळीबार घारे यांनीच स्वतः घडवून आणल्याचा धक्कादायक प्रकार समोर आला आहे. शस्त्र परवाना मिळावा आणि पोलीस संरक्षण मिळावे यासाठी त्यांनी हा बनाव रचल्याचा संशय वारजे पोलिसांकडून व्यक्त करण्यात येत आहे. या प्रकरणी वारजे पोलिसांनी काल रात्री उशिरा तिघांना ताब्यात घेतले असून, त्यांनी दिलेल्या माहितीनुसार घारे यांच्या भूमिकेवर प्रश्नचिन्ह निर्माण झाले आहे.

१९ मे रोजी रात्री १२ वाजताच्या सुमारास पुण्यातील वारजे माळवाडी भागातील गणपती माथा परिसरात निलेश घारे यांच्या जनसंपर्क कार्यालयाजवळ त्यांच्या वाहनावर अज्ञात व्यक्तींनी गोळीबार केला होता. सुदैवाने घारे त्यावेळी गाडीत नसल्याने त्यांना कोणतीही इजा झाली नाही. या घटनेमुळे परिसरात खळबळ उडाली होती आणि वारजे पोलिसांसह गुन्हे शाखेचे पथक या प्रकरणाचा तपास करत होते.

रविवारी रात्री उशिरा वारजे पोलिसांनी सचिन गोळे, शुभम खेमणार आणि अजय उर्फ बगली सकपाळ या तिघांना वारजे परिसरातून ताब्यात घेतले. त्यांची कसून चौकशी केली असता, त्यांनीच हा गोळीबार घडवून आणल्याची कबुली दिली.

विशेष म्हणजे, निलेश घारे यांनीच आपल्याला हा गोळीबार करण्यास सांगितले असल्याचा धक्कादायक खुलासाही त्यांनी केला. या प्रकरणी संकेत मातले हा फरार असून, पोलीस त्याचा शोध घेत आहेत.

शेकोटीसाठी कचरा जाळल्यास पाच हजारांचा दंड! प्रदूषण रोखण्यासाठी ठाणे महापालिकेचा दणका

झोपेचं सोंग घेऊन महिलेशी अश्लील चाळे; जाग येताच महिलेने लगावली थप्पड, रुग्णालयातील VIDEO व्हायरल

सोशल मीडियावर GTA 6 फोटो ट्रेंडची धूम! तुमचाही फोटो दिसेल व्हाइस सिटी पोस्टरसारखा; जाणून घ्या सोपी ट्रिक

UP Viral Video : घटस्फोट न घेताच दुसऱ्या लग्नाचा घाट; बोहल्यावर चढण्याआधीच नवरदेव पोलिसांच्या ताब्यात, पहिल्या पत्नीने उधळला डाव

Dombivli Crime : ७ वर्षांचं प्रेम संपलं अन् तरुणाचा संताप अनावर; पेट्रोल टाकून माजी प्रेयसीचं घर पेटवण्याचा प्रयत्न