पुणे : अमेरिकन नागरिकांची कथित फसवणूक करणाऱ्या बनावट कॉल सेंटरच्या नेटवर्कविरोधात अंमलबजावणी संचालनालयाने (ईडी) पुणे, पतियाळा आणि चंदीगड येथे कारवाई केली. ईडीच्या हैदराबाद विभागीय कार्यालयाने केलेल्या या कारवाईत तीन कार्यरत बनावट कॉल सेंटर आढळून आली. त्याठिकाणी सुमारे २२० जण कार्यरत असल्याचे तपासात समोर आले.
ईडीच्या माहितीनुसार, या कॉल सेंटरमधून अमेरिकन नागरिकांना विविध खोट्या कारणांवरून संपर्क साधून त्यांच्याकडून पैसे उकळल्याचा आरोप आहे. कारवाईदरम्यान ६६ मोबाईल फोन, १३ लॅपटॉप, हार्ड डिस्क, इतर डिजिटल उपकरणे, रोकड आणि कागदपत्रे जप्त करण्यात आली.
या उपकरणांमध्ये कथित फसवणुकीची कार्यपद्धती, ग्राहकांची माहिती आणि पैशांच्या व्यवहारांशी संबंधित डिजिटल पुरावे आढळल्याचे ईडीने सांगितले.चंदीगडमधील एका निवासस्थानीही तपास करण्यात आला.
हे ठिकाण पतियाळातील कॉल सेंटरच्या कथित नियंत्रणासाठी वापरले जात असल्याचा ईडीचा दावा आहे.